ສະຫະລັດອາເມຣິກາສາມາດຢຶດໂຄເຄນນ້ຳໜັກ 16,5 ໂຕນ ມູນຄ່າກວ່າ 1.000 ລ້ານໂດລາຈາກເຮືອຂະໜາດໃຫຍ່ທີ່ທ່າເຮືອແພັກເກີຣ ມາຣີນ ເທີຣມິນັລ ໃນເມືອງຟິລາເດລເຟຍ ລັດເພນຊິລເວເນຍ.
ຂະນະທີ່ລູກເຮືອຖືກຕັ້ງຂໍ້ຫາຮ່ວມກັນຄອບຄອງໂຄເຄນ ສ່ວນເຮືອລຳດັ່ງກ່າວແມ່ນມີທຸງຊາດຂອງປະເທດໄລບີເຣຍ ຈາກການກວດສອບບັນທຶກການເຂົ້າຈອດໃນທ່າເຮືອກ່ອນໜ້ານີ້ແມ່ນໄດ້ຜ່ານບາຮາມັສ ປານາມາ ເປຣູ ແລະ ຕົ້ນທາງໂຄລຳເບຍ ຊຶ່ງເປັນປະເທດສົ່ງໂຄເຄນລຳດັບຕົ້ນໆຂອງອາເມຣິກາ.
ຊຶ່ງຄັ້ງນີ້ຖືເປັນການຢຶດຢາເສບຕິດປະເພດໂຄເຄນຄັ້ງໃຫຍ່ທີ່ສຸດອີກຄັ້ງໜຶ່ງໃນປະຫວັດສາດຂອງອາເມຣິກາ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: thairath