ມາດຕະການປັບຂຶ້ນພາສີຖືເປັນວິທີການຫາລາຍໄດ້ຫຼັກທາງໜຶ່ງຂອງລັດຖະບານທີ່ຈະຮຽກເກັບຈາກສິ່ງຕ່າງໆໃນອັດຕາໜ້ອຍ ຫຼື ຫຼາຍສ່ຳໃດກໍຂຶ້ນຢູ່ກັບວ່າ ລັດຖະບານຈະເອື້ອປະ ໂຫຍດໃຫ້ກັບຝ່າຍໃດຫຼາຍກວ່າລະຫວ່າງປະຊາຊົນຜູ້ບໍລິໂພກ ຜູ້ຜະລິດ ຫຼື ລັດຖະ ບານ.
ຊຶ່ງເມື່ອທ້າຍອາທິດທີ່ຜ່ານມາ ມີລາຍງານວ່າລັດຖະບານແທນຊາເນຍປະກາດຈະປັບຂຶ້ນພາສີທີ່ຮຽກເກັບຈາກສິນຄ້າຊະນິດຕ່າງໆເຊັ່ນ ຊ໋ອກໂກແລັດ ຂະໜົມປັງບິສກິດ ໂດຍຈາກເດີມເກັບໃນອັດຕາ 25% ເພີ່ມເປັນ 35% ລວມເຖິງສິນຄ້າທີ່ນຳເຂົ້າມາຈາກຕ່າງປະເທດ ໂດຍມາດຕະການນີ້ຈະເລີ່ມບັງຄັບໃຊ້ໃນເດືອນກໍລະກົດທີ່ຈະເຖິງນີ້.
ແຕ່ສິ່ງທີ່ເກີດເປັນປະເດັນກໍຄື ການປະກາດຈະເກັບພາສີວິກຜົມ ແລະ ແຮພີຊ ທີ່ນຳເຂົ້າມາຈາກຕ່າງປະເທດໃນອັດຕາສູງເຖິງ 25% ສ່ວນທີ່ຜະລິດໃນປະເທດຈະເກັບໃນອັດຕາ 10% ໂດຍອັດຕາພາສີທີ່ປັບເພີ່ມຂຶ້ນນັ້ນຈະສົ່ງຜົນໃຫ້ວິກຜົມຊຶ່ງມີລາຄາຖືກທີ່ສຸດທີ່ວາງຂາຍຢູ່ໃນທ້ອງຕະຫຼາດຂອງແທນຊາເນຍໃນຂະນະນີ້ (ລາຄາປະມານ 4 ໂດລາ) ຈະປັບສູງຂຶ້ນເປັນ 130 ໂດລາ.
ຂະນະທີ່ຝ່າຍທີ່ໄດ້ຮັບຜົນກະທົບໂດຍກົງຈາກມາດຕະການດັ່ງກ່າວນີ້ກໍຄື ອານາສຕາເຊຍ ຊິເກຣົາ ຜູ້ນຳເຂົ້າວິກຜົມລາຍໃຫຍ່ຊຶ່ງໄດ້ອອກມາປະນາມການເກັບພາສີວິກຜົມຂອງລັດຖະບານໂດຍໄດ້ກ່າວວ່າ ຄົນສ່ວນໃຫຍ່ນິຍົມວິກຜົມເພາະເຮັດໃຫ້ເຂົາເຈົ້າດູດີ ແລະ ໝັ້ນໃຈຂຶ້ນ ຂະນະທີ່ຍິງສາວລາຍໜຶ່ງທີ່ບໍ່ເປີດເຜີຍຊື່ກໍໄດ້ກ່າວວ່າ ຕົນເອງຕ້ອງຈ່າຍຄ່າຕໍ່ຜົມສູງເພິງ 450 ໂດລາ ຊຶ່ງມາດຕະການທີ່ອອກມາກໍປຽບເໝືອນເປັນການລົງໂທດແມ່ຍິງສ່ວນຫຼາຍທີ່ມັກແຕ່ງເຕີມຜົມ ແລະ ຢາກໃຫ້ຕົນເອງດູດີ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: matichon