ທ່ານ ໂດນັລ ທຣັມ ປະທານາທິບໍດີແຫ່ງອາເມຣິກາໄດ້ປະກາດໂຄງການລົງສະໝັກເລືອກຕັ້ງ ແລະ ຫາສຽງເພື່ອຮັກສາຕຳແໜ່ງຜູ້ນຳອາເມຣິກາໄວ້ໃຫ້ໄດ້ ຊຶ່ງການເລືອກຕັ້ງຈະມີຂຶ້ນໃນຕົ້ນເດືອນພະຈິກ 2020 ນີ້.
ສຳນັກຂ່າວຕ່າງປະເທດລາຍງານເມື່ອວັນທີ 18 ມິຖຸນາຜ່ານມາວ່າ ປະທານາທິບໍດີ ໂດນັລ ທຣັມ ໄດ້ຈັດຖະແຫຼງກ່າວປາໄສຄັ້ງໃຫຍ່ທ່າມກາງຜູ້ສະໜັບສະໜູນຢ່າງຫຼວງຫຼາຍທີ່ເມືອງອໍຣແລນໂດ ລັດຟໍຣິດາ ໂດຍໄດ້ປະກາດໂຄງການລົງສະໝັກເລືອກຕັ້ງ ແລະ ຫາສຽງເພື່ອປ້ອງກັນຕຳແໜ່ງຜູ້ນຳສູງສຸດຂອງອາເມຣິກາໃຫ້ໄດ້ເປັນສະໄໝທີ 2 ຂະນະທີ່ ທຣັມ ໄດ້ກ່າວວ່າ ຕະຫຼອດເວລາທີ່ຜ່ານມາລັດຖະບານພາຍໃຕ້ການນຳຂອງຕົນສາມາດພັດທະນາເສດຖະກິດຂອງອາປະເທດໃຫ້ທົ່ວໂລກອິດສາ ພ້ອມກັບໃຫ້ຄຳໝັ້ນສັນຍາວ່າຖ້າຫາກຕົນເອງຊະນະການເລືອກຕັ້ງສະໄໝທີ 2 ອາເມຣິກາທີ່ກັບມາຍິ່ງໃຫຍ່ແລ້ວກໍຈະຍິ່ງໃຫຍ່ຍິ່ງກວ່າເກົ່າ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: REUTERS,AFP