ຜູ້ຕິດເຊື້ອໄວຣັສອີໂບລາລາຍທຳອິດຂອງສະຫະລັດອາເມຣິກາ ເສຍຊີວິດແລ້ວ
ແຫລ່ງຂ່າວຕ່າງປະເທດລາຍງານ ໃນວັນທີ 9 ຕຸລານີ້ວ່າ ເຈົ້າໜ້າທີ່ໂຮງໝໍໃນລັດເທັກຊັສ ໄດ້ລາຍງານເຖິງຜູ້ຕິດເຊື້ອ
ອີໂບລາຄົນທຳອິດຢູ່ພາຍໃນປະເທດສະຫະລັດອາເມຣິກາ ໄດ້ເສຍຊີວິດລົງແລ້ວ ໂດຍແມ່ນ ທ້າວ ໂທມັສ ອີຣິກ ດັນແຄນ
ເຊິ່ງເລີ່ມຕິດເຊື້ອໄວຣັສອີໂບລາຈາກປະເທດໄລບີເຣຍ ອັນເປັນບ້ານເກີດຂອງເຂົາເອງ ກ່ອນທີ່ຈະຖືກແພດກວດພົບວ່າ
ເຂົາໄດ້ຕິດເຊື້ອໄວຣັສມໍລະນະດັ່ງກ່າວ ເມື່ອພາຍຫລັງເດີນທາງກັບມາເຖິງສະຫະລັດອາເມຣິກາ.
ຈາກນັ້ນ ເຂົາກໍໄດ້ຖືກນຳຕົວສົ່ງໄປປິ່ນປົວຢູ່ໂຮງໝໍດັນລັສ ດ້ວຍການໃຊ້ຢາທີ່ຍັງຢູ່ໃນຂະບວນການທົດລອງກ່ອນຈະ
ເສຍມາເສຍຊີວິດລົງ ໃນວັນທີ 9 ຕຸລາ 2014 ຜ່ານມານີ້.