ສານໃນນະຄອນຫຼວງເຢລູຊາເລັມ ປະເທດອິສຣາແອນ ມີຄຳຕັດສິນເມື່ອວັນທີ 16 ມິຖຸນາຜ່ານມາໃຫ້ ນາງ ຊາຣາ ເນທັນຢາຮູ ໄວ 60 ປີ ພັນລະຍາຂອງ ທ່ານ ເບັນຈາມິນ ເນທັນຢາຮູ ນາຍົກລັດຖະມົນຕີຂອງອິສຣາແອນມີຄວາມຜິດແທ້ໂທດຖານນຳໃຊ້ງົບປະ ມານຂອງລັດຊື້ອາຫານຮັບປະທານເອງ.

ຄຳຕັດສິນດັ່ງກ່າວມີຂຶ້ນພາຍຫຼັງການຍອມຮັບສາລະພາບເພື່ອໃຫ້ມີການຫຼຸດໂທດ ຊຶ່ງນາງ ຊາຣາ ຈະຖືກປັບເປັນເງິນປະມານ 2.800 ໂດລາ ແລະ ຈະຕ້ອງຊົດໃຊ້ງົບປະມານຄືນໃຫ້ລັດເປັນເງິນທັງໝົດ 45.000 ໂດລາ ທັງນີ້ ສານໃຫ້ໂອກາດສາມາດຜ່ອນຊຳລະເປັນລາຍເດືອນໄດ້.

ຂະນະທີ່ ນາງ ຊາຣາ ແມ່ນເຄີຍຖືກດຳເນີນຄະດີນັບແຕ່ເດືອນມິຖຸນາ 2018 ໃນຂໍ້ຫາຄໍລັບເຊິນ ລະເມີດຄວາມໄວ້ວາງໃຈດ້ວຍການຈ່າຍງົບປະມານເປັນເງິນ 85.000 ເອີໂຣໃນການຊື້ອາຫານຈາກຮ້ານອາຫານຊື່ດັງໃນນະຄອນເຢຣູຊາເລັມ ຂະນະທີ່ ທ່ານ ເນທັນຢາຮູ ກໍມີຄະດີຄໍລັບເຊິນທີ່ຕ້ອງເຂົ້າຮັບການສືບສວນໃນໄວໆນີ້.

ຮຽບຮຽງ: ສະຫະລັດ ວອນທິວົງໄຊ

ຮູບພາບ: matichon.co.th