ສື່ຂ່າວປະເທດຈີນລາຍງານວ່າ ເກີດເຫັກວຸ້ນວາຍທີ່ບໍ່ຄາດຄິດເກີດຂຶ້ນກາງງານດອງພາຍໃນໂຮງແຮມແຫ່ງໜຶ່ງເມື່ອວັນທີ 11 ມິຖຸນາ 2019 ທີ່ຜ່ານມາ ເຫດການດັ່ງກ່າວເກີດຂຶ້ນທີ່ເມືອງໜານຊາງ ມົນທົນຈຽງຊີ ທາງຕະເວັນອອກສຽງໃຕ້ຂອງຈີນ ຂະນະທີ່ເຈົ້າສາວໂຍນຊໍ່ດອກໄມ້ ແລະ ແຂກກຳລັງອວຍພອນຄູ່ບ່າວສາວ ດອກໄຟສະປອດໄລໃນງານກໍເກີດມີຄວັນ ແລະ ເກີດປະກາຍໄຟ  ຈຶ່ງເຮັດໃຫ້ທັງເຈົ້າພາບ ແລະ ແຂກທີ່ມາຮ່ວມງານພາກັນແຕກຕື່ນຟ້າວໜີຫຼົບໄພກັນຢ່າງສົນລະວົນ.

ເຫດການດັ່ງກ່າວສາມາດຄວບຄຸໄດ້ໃນເວລາຕໍ່ມາ ທັງນີ້ ຍາດພີ່ນ້ອງຝ່າຍເຈົ້າບ່າວໄດ້ກ່າວວ່າ ຄູ່ບ່າວສາວຮັກກັນຕັ້ງແຕ່ສະໄໝມັດທະຍົມປາຍ “ແຕ່ງດອງຄັ້ງໜຶ່ງໃນຊີວິດຜັດມາເກີດເຫດການທີ່ບໍ່ຄາດຝັນຈົນເຮັດໃຫ້ງານແຕ່ງຕ້ອງລົ້ມເລີກ”.

ສ່່ວນພະນັກງານຂອງໂຮມແຮມໄດ້ກ່າວວ່າ ເມື່ອຮັບຮູ້ເລື່ອງກໍຮີບຮັບມືກັບເຫດການທັນທີ ໂດຍທາງຜູ້ບໍລິຫານໂຮງແຮມຍັງຢູ່ລະຫວ່າງການເຈລະຈາຫາລືກັບທາງຄອບຄົວເຈົ້າບ່າວເຈົ້າສາວ.

ຮຽບຮຽງ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: sanook