ກວ່າ 600 ບໍລິສັດໃນອາເມຣິກາຮ່ວມໃຈສົ່ງຈົດໝາຍເຖິງປະທານາທິບໍລິດີ ໂດນັລ ທຣັມ ຮຽກຮ້ອງໃຫ້ຍຸຕິສົງຄາມການຄ້າກ່ອນຈະເກີດບັນຫາ ແລະ ກໍ່ໃຫ້ເກີດຄວາມເສຍຫາຍທັງຕໍ່ຜູ້ປະກອບການ ແລະ ຜູ້ບໍລິໂພກພາຍໃນປະເທດ ໃນນັ້ນ ມີທັງພາກກະສິກຳ ອຸດສາຫະກຳ ທຸລະກິດຂາຍຍ່ອຍ-ຂາຍສົ່ງ ແລະ ອຸດສາຫະກຳເຕັກໂນໂລຊີທີ່ເຂົ້າຮ່ວມຮຽກຮ້ອງໃນຄັ້ງນີ້.
ຂະນະທີ່ບໍລິສັດວອລມາຣດ ຊຶ່ງເປັນບໍລິສັດຄ້າຍ່ອຍລາຍໃຫຍ່ທີ່ສຸດໃນໂລກໄດ້ລະບຸວ່າ ການທີ່ລັດຖະບານ ທຣັມ ໃຊ້ນະໂຍບາຍປັບຂຶ້ນພາສີສິນຄ້ານຳເຂົ້າຈາກຈີນໄດ້ເຮັດໃຫ້ຜູ້ບໍລິໂພກໃນອາເມຣິກາຊື້ສິນຄ້າທີ່ມີລາຄາແພງຂຶ້ນ ທັງນີ້ ເນື້ອໃນຂອງຈົດໝາຍຂອງກຸ່ມຮຽກຮ້ອງຍັງໄດ້ເຕືອນໃຫ້ປະທານາທິບໍດີວ່າ ການຂຶ້ນພາສີສິນຄ້ານຳເຂົ້າຈາກຈີນ 25% ຄິດເປັນມູນຄ່າ 300.000 ລ້ານໂດລາຈະເຮັດໃຫ້ສູນເສຍຕຳແໜ່ງງານພາຍໃນປະເທດກວ່າ 2 ລ້ານຕຳແໜ່ງ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: thairath.co.th