ປະເທດຄູເວດ ແລະ ຊາອຸດິດອາຣັບບີ ກາຍເປັນດິນແດນທີ່ພວມຜະເຊີນກັບສະພາບອາກາດຮ້ອນທີ່ສຸດໃນໂລກຈາກຄື້ນຄວາມຮ້ອນ ຄາດວ່າບາງພື້ນທີ່ໃນຄູເວດອາດມີອຸນຫະພູມສູງເຖິງ 67 ອົງສາພາຍໃນເດືອນກໍລະກົດນີ້.
ສຳນັກຂ່າວຕ່າງປະເທດລາຍງານເມື່ອວັນທີ 13 ມິຖຸນາຜ່ານມາວ່າ ປະເທດຄູເວດພວມຜະເຊີນກັບສະພາບອາກາດທີ່ຮ້ອນທີ່ສຸດໃນໂລກ ຊຶ່ງເມື່ອວັນທີ 8 ມິຖຸນາຜ່ານມາອຸນຫະພູມສະເລ່ຍຢູ່ທີ່ 52,2 ອົງສາ (ໃນຮົ່ມ) ແຕ່ຖ້າຢູ່ກາງແດດອາດສູງເຖິງ 63 ອົງສາ ຂະນະທີ່ວັນດຽວກັນປະເທດຊາອຸດິດອາຣັບບີ (ເມືອງອັລ ມາຈມາ) ມີອຸນຫະພູມສູງເຖິງ 55 ອົງສາ.
ທັງນີ້ ມີລາຍງານພົບຜູ້ເສຍຊີວິດຍ້ອນອາກາດຮ້ອນແລ້ວຢ່າງໜ້ອຍ 1 ລາຍເປັນເພດຊາຍໃນປະເທດຄູເວດ ພ້ອມນີ້ ເວັບໄຊລາຍ ງານກ່ຽວກັບສະພາບອາກາດ Arabia Weather ລະບຸວ່າ ສະຖານະການຄື້ນຄວາມຮ້ອນໃນທັງສອງປະເທດຈະດຳເນີນຕໍ່ໄປ ຂະ ນະທີ່ຄູເວດຈະເຂົ້າສູ່ລະດູຮ້ອນຢ່າງເປັນທາງການໃນວັນທີ 21 ມິຖຸນາທີ່ຈະເຖິງນີ້ ຊຶ່ງນັກອຸຕຸນິຍົມວິທະຍາຄາດວ່າໃນເດືອນກໍລະ ກົດອຸນຫະພູມສູງສຸດໃນປະເທດອາດພຸ່ງສູງເຖິງ 68 ອົງສາ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: thairath