ທີມແພດໃນຣັດເຊຍເຖິງກັບອ້າປາກຄ້າງເມື່ອພົບແຂ້ວນ້ຳນົມ 1 ເຫຼັ້ມຢູ່ໃນອັນທະຂອງເດັກ ຊາຍໄວ 13 ປີ ຫຼັງຈາກກ່ອນໜ້ານີ້ນຶກວ່າເປັນກ້ອນມະເຮັງ.
ໂດຍແພດຂອງໂຮງໝໍເດັກໂມໂຣຊອຟ ໃນນະຄອນມົດສະກູກຽມຜ່າຕັດກ້ອນປິດສະໜາທີ່ກວດພົບໃນອັນທະຂອງເດັກຊາຍໄວ 13 ປີ ຊຶ່ງຄາດຄະເນວ່າຈະເປັນກ້ອນມະເຮັງ ແຕ່ເມື່ອຜ່າອອກມາແລ້ວກໍພົບວ່າ ກ້ອນດັ່ງກ່າວແມ່ນແຂ້ວ 1 ເຫຼັ້ມ ຊຶ່ງຜົນກວດສອບພົບວ່າເປັນແຂ້ວກາມດ້ານເທິງເຫຼັ້ມທີ 7 ທີ່ບໍ່ໄດ້ງອກໃນປາກຂອງເດັກ ທັງນີ້ ແພດຍັງລະບຸອີກວ່າ ນີ້ເປັນກໍລະນີທີ່ເກີດຂຶ້ນຍາກທີ່ສຸດຊຶ່ງເອີ້ນວ່າ (teratoid tumour) ເກີດຂຶ້ນກ່ອນທີ່ເດັກຈະເກີດ ຫຼື ອາດເກີດຈາກສະເຕັມເຊລທີ່ເຮັດໃຫ້ອະໄວຍະວະບາງຢ່າງຢູ່ຜິດບ່ອນເຊັ່ນ ໃນກໍລະນີນີ້ແມ່ນແຂ້ວນ້ຳນົມຊຶ່ງຄວນຈະປົ່ງຢູ່ໃນປາກ ແຕ່ກັບມາປົ່ງຢູ່ອັນທະແທນ.
ຢ່າງໃດກໍຕາມ ດຣ ດິມິທຣີ ຕາຣູຊິນ ແພດຊ່ຽວຊານດ້ານລະບົບປັດສະວະກໍໄດ້ຢືນຢັນວ່າ ການຜ່າຕັດເອົາແຂ້ວອອກຈາກອັນທະເດັກແມ່ນປະສົບຜົນສຳເລັດດີ ແລະ ຈະບໍ່ມີບັນຫາດ້ານການຈະເລີນພັນໃນອະນາຄົດ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: thairath