ເມັກຊິກໂກກຽມຂາຍເຮືອບິນປະຈຳຕຳແໜ່ງຂອງປະທານາທິບໍດີນັ້ນກໍຄືລຸ້ນ ໂບອິງ 787 ດຣີມໄລເນີຣ ໂດຍຈະນຳເງິນມະມາສົມທົບທຶນແຜນການຄວບຄຸມຜູ້ອົບພະຍົບຕາມທີ່ໄດ້ຕົກລົງກັບອາເມຣິກາ.
ຂະນະທີ່ ທ່ານ ອັນເດຣສ ມານູເອລ ໂລເປຊ ໂອບຣາດໍຣ ປະທານາທິບໍດີຂອງເມັກຊີໂກໄດ້ໃຫ້ຄຳໝັ້ນສັນຍາວ່າ ກຳໄລທີ່ໄດ້ຈາກການຂາຍເຮືອບິນລຳນີ້ຈະຖືກນຳໄປສົມທົບທຶນໃນແຜນການຄວບຄຸມຜູ້ອົບພະຍົບຜິດກົດໝາຍ ການເຄື່ອນໄຫວຫຼ້າສຸດເກີດຂຶ້ນພາຍ ຫຼັງທີ່ເມັກຊີໂກຍອມເຮັດຂໍ້ຕົກລົງຫຼີກເວັ້ນການຕັ້ງກຳແພງພາສີຂອງອາເມຣິກາເພື່ອແລກກັບການທີ່ເມັກຊິໂກຈະຕ້ອງເພີ່ມຄວາມພະຍາຍາມໃນການສະກັດກັ້ນຜູ້ອົບພະຍົບຊາວອາເມຣິກາກາງບໍ່ໃຫ້ເຂົ້າສູ່ອາເມຣິກາ.
ທັງນີ້ ການຂາຍເຮືອບິນໂບອິງ 787 ດຣີມໄລເນີຣ ເປັນໜຶ່ງໃນສັນຍາທີ່ ທ່ານ ໂລເປຊ ເຄີຍປະກາດໃນວາລະຫາສຽງເມື່ອປີ 2018 ໂດຍທ່ານຈະປ່ຽນໄປຂີ່ເຮືອບິນລຸ້ນໃໝ່ແທນ ທັງນີ້ ຖືເປັນການເຮັດຕາມສັນຍາທີ່ເຄີຍກ່າວໄວ້ພາຍຫຼັງທີ່ໄດ້ເຂົ້າມາດຳລົງຕຳແໜ່ງປະທານາທິບໍດີ.
ເຮືອບິນຂອງປະທານາທິບໍດີກຳລັງຢູ່ລະຫວ່າງການປະກາດຂາຍ ຊຶ່ງຄາດວ່າຈະຂາຍໄດ້ປະມານ 150 ລ້ານໂດລາ ຂະນະທີ່ຊື້ມາໃນລາຄາ 218 ລ້ານໂດລາ ນອກຈາກນີ້ ກໍມີແຜນຈະຂາຍເຮືອບິນອີກ 60 ລຳ ແລະ ເຮລິຄ໋ອບແຕ 70 ລຳທີ່ຢູ່ໃນການຄອບຄອງຂອງລັດຖະບານອີກດ້ວຍ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: thairath.co.th