spot_img
Homeຂ່າວຕ່າງປະເທດສະພາຮົງກົງເລື່ອນອະພິປາຍຮ່າງກົດໝາຍສົ່ງຜູ້ຮ້າຍຂ້າມແດນ

ສະພາຮົງກົງເລື່ອນອະພິປາຍຮ່າງກົດໝາຍສົ່ງຜູ້ຮ້າຍຂ້າມແດນ

Published on

ສະພານິຕິບັນຢັດຂອງຮົງກົງປະກາດເລື່ອນການອະພິປາຍຄັ້ງໃໝ່ກ່ຽວກັບຮ່າງກົດໝາຍເນລະເທດຜູ້ຮ້າຍຂ້າມແດນໂດຍບໍ່ມີກຳນົດ ພາຍຫຼັງຜູ້ປະທ້ວງຈຳນວນຫຼາຍປິດກັ້ນຖະໜົນສາຍຫຼັກເຂົ້າສູ່ສະພາ ແລະ ເລີ່ມມີການຕັ້ງແນວກີດຂວາງເພີ່ມຫຼາຍຂຶ້ນ.

ສຳນັກຂ່າວຕ່າງປະເທດລາຍງານໃນວັນທີ 12 ມິຖຸນາວ່າ ສຳນັກງານເລຂາທິການສະພານິຕິບັນຢັດຂອງຮົງກົງ (ເລັກໂຄ) ໄດ້ອອກຖະແຫຼງການເລື່ອນການອະພິປາຍຄັ້ງທີ 2 ກ່ຽວກັບກົດໝາຍວ່າດ້ວຍການສົ່ງຜູ້ຮ້າຍທີ່ກະທຳຄວາມຜິດໃນຄະດີອາຍາ (ລວມທັງຊາວຕ່າງຊາດ) ໃຫ້ຖືກສອບສວນ ແລະ ຮັບໂທດຕາມຂະບວນການຕາມກົດໝາຍຂອງປະເທດ ຫຼື ດິນແດນເຖິງວ່າຈະບໍ່ມີສົນທິ ສັນຍາສົ່ງຜູ້ຮ້າຍຂ້າມແດນຕໍ່ກັນຢ່າງເປັນທາງການ ລວມເຖິງ ສປ ຈີນ ກໍຍັງບໍ່ໄດ້ລະບຸຊັດເຈນວ່າຈະເລື່ອນອອກໄປອີກດົນເທົ່າ ໃດ?.

ຂະນະທີ່ຄວາມເຄື່ອນໄຫວດ່ັງກ່າວຂອງເລັກໂຄຊຶ່ງມີສະມາຊິກ 70 ຄົນ ຊຶ່ງສ່ວນໃຫຍ່ມາຈາກພັກການເມືອງຝ່າຍສະໜັບສະໜູນລັດຖະບານປັກກິ່ງທີ່ເກີດຂຶ້ນທ່າມກາງການຊຸມນຸມປະທ້ວງຄັ້ງໃໝ່ຂອງຝ່າຍຕໍ່ຕ້ານລັດຖະບານທີ່ພ້ອມໃຈກັນແຕ່ງກາຍດ້ວຍເສື້ອຜ້າສີຂາວ ແລະ ສີດຳ ສ່ວນໃຫຍ່ຍັງສວມໜ້າກາກປ້ອງກັນແກ໊ສນ້ຳຕາທີ່ໄດ້ປິດກັ້ນເສັ້ນທາງຈະລາຈອນສາຍຫຼັກສຳລັບເຂົ້າສູ່ສະພາ.

ຂະນະທີ່ສຳນັກງານຕຳຫຼວດຮົງກົງກໍໄດ້ເພີ່ມກຳລັງເຈົ້າໜ້າທີ່ໃນເຄື່ອງແບບເພີ່ມຂຶ້ນ ສ່ວນແກນນຳຂອງກຸ່ມປະທ້ວງທີ່ປະກາດວ່າມີຜູ້ເຂົ້າຮ່ວມກິດຈະກຳເພີ່ມຂຶ້ນຫຼາຍກວ່າ 1 ລ້ານຄົນ ແຕ່ຕາມການປະເມີນຂອງເຈົ້າໜ້າທີ່ແມ່ນຢູ່ທີ່ປະມານ 2 ແສນກວ່າຄົນເທົ່ານັ້ນ.

ທັງນີ້ ຫຼາຍຝ່າຍຍັງຄົງວິຕົກກັງວົນວ່າການຊຸມນຸມຄັ້ງນີ້ຈະຍຸຕິລົງດ້ວຍຄວາມຮຸນແຮງຄືກັບທີ່ຜ່ານມາ ຫຼື ບໍ່? ຂະນະທີ່ພາບລວມຍັງເປັນໄປດ້ວຍຄວາມສະຫງົບສະຫຼັບກັບຄວາມເຄັ່ງຕຶງເປັນບາງຊ່ວງ ທັງນີ້ ກໍມີຕົວແທນນັກສຶກສາ ແລະ ປະຊາຊົນທີ່ເປັນແມ່ຍິງໄດ້ນຳເອົາດອກໄມ້ມາມອບໃຫ້ເຈົ້າໜ້າທີ່ປະຕິບັດໜ້າທີ່ຢູ່ໜ້າສະພາ.

 

 

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: posttoday/AFP

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...