spot_img
Homeຂ່າວຕ່າງປະເທດເຕືອນໄພ! ເດັກຕິດມືຖືສ່ຽງສາຍຕາສັ້ນຂັ້ນຮຸນແຮງ

ເຕືອນໄພ! ເດັກຕິດມືຖືສ່ຽງສາຍຕາສັ້ນຂັ້ນຮຸນແຮງ

Published on

ເປັນເລື່ອງລາວທີ່ຖືກແຊຣຕໍ່ໃນໂລກໂຊຊຽວ ແລະ ກຳລັງໄດ້ຮັບຄວາມສົນໃຈຢ່າງກວ້າງຂວາງໃນຂະນະນີ້ ສຳລັບກໍລະນີເດັກນ້ອຍອາຍຸ 2 ປີໃນມົນທົນຈຽງຊູ ທາງພາກກາງຂອງ ສປ ຈີນ ຕິດຫຼິ້ນໂທລະສັບມືຖື (ຫຼາຍເກີນໄປ) ຊຶ່ງສົ່ງຜົນໃຫ້ເດັກຄົນນີ້ຜະເຊີນກັບພາວະສາຍຕາສັ້ນຂັ້ນຮຸນແຮງພາຍຫຼັງທີ່ຫຼິ້ນໂທລະສັບມືຖືຢ່າງຕໍ່ເນື່ອງຫຼາຍຊົ່ວໂມງຕໍ່ວັນເປັນເວລາ 1 ປີ.

ທັງນີ້ ຜູ້ປົກຄອງຂອງເດັກນ້ອຍຄົນນີ້ໄດ້ໃຫ້ລູກຫຼິ້ນໂທລະສັບມືຖືຕັ້ງແຕ່ອາຍຸ 1 ປີເທົ່ານັ້ນ ດ້ວຍຄວາມທີ່ຮູ້ເທົ່າບໍ່ເຖິງການ ແລະ ບໍ່ຄາດຄິດວ່າຈະມີຜົນຮ້າຍຕາມມາຈິ່ງໄດ້ປ່ອຍໃຫ້ລູກນ້ອຍຫຼິ້ນມືຖືຫຼາຍກວ່າ 1 ຊົ່ວໂມງໃນແຕ່ລະວັນ ຫຼັງຈາກນັ້ນປະມານ 1 ປີ ເດັກນ້ອຍເລີ່ມມີພຶດຕິກຳຜິດປົກກະຕິເວລາຫຼິ້ນໂທລະສັບ ດັ່ງນັ້ນ ຈຶ່ງໄດ້ພາລູກໄປພົບແພດ ແລະ ແພດກໍໄດ້ລະບຸວ່າ ດວງຕາເບື້ອງໜຶ່ງຂອງເດັກມີຄ່າສາຍຕາສັ້ນສູງເຖິງ 900 ຊຶ່ງສູງກວ່າອີກເບື້ອງໜຶ່ງຫຼາຍເທົ່າ ແລະ ສູງກວ່າເດັກທົ່ວໄປທີ່ຢູ່ໃນຊ່ວງອາຍຸດຽວກັນ ແລະ ອາການດັ່ງກ່າວອາດຈະທະວີຄວາມຮຸນແຮງຂຶ້ນໃນເວລາທີ່ອາຍຸຂອງເດັກເພີ່ມຂຶ້ນ ຊຶ່ງອາດສົ່ງຜົນກະທົບຕໍ່ການດຳເນີນຊີວິດປະຈຳວັນອີກດ້ວຍ.

ຂະນະທີ່ແພດຜູ້ຊ່ຽວຊານໄດ້ເຕືອນວ່າ ເດັກອາຍຸຕ່ຳກວ່າ 3 ປີບໍ່ຄວນຫຼິ້ນອຸປະກອນເອເລັກໂຕຣນິກທຸກຊະນິດ ສ່ວນເດັກອາຍຸລະຫວ່າງ 3-6 ປີຫາກຈະຫຼິ້ນກໍບໍ່ຄວນໃຫ້ຫຼິ້ນເກີນ 30 ນາທີຕໍ່ວັນ ພ້ອມນີ້ ຜູ້ປົກຄອງກໍຄວນເຝົ້າສັງເກດເບິ່ງພຶດຕິກຳ ແລະ ອາການຕ່າງໆທີ່ອາດສົ່ງຜົນກະທົບ ແລະ ສົ່ງຜົນຮ້າຍຕໍ່ສາຍຕາຂອງລູກນ້ອຍ.

 

 

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: khaosod.co.th

ບົດຄວາມຫຼ້າສຸດ

ເຮັດໃຫ້ໄດ້ 220 ບັດຕໍ່ມື້ ກະຊວງປ້ອງກັນຄວາມສະຫງົບອອກແຈ້ງການ ໃນການເພີ່ມທະວີປະຕິບັດວຽກງານ ການອອກບັດປະຈຳຕົວດີຈີຕອນ

ກະຊວງປ້ອງກັນຄວາມສະຫງົບ ເລກທີ 01/ປສກ ນະຄອນຫຼວງວຽງຈັນ, ວັນທີ 07 ມັງກອນ 2026 ເຖິງ ບັນດາກອງບັນຊາການ ປກສ ແຂວງ, ກອງບັນຊາການ ນະຄອນຫຼວງວຽງຈັນ...

ເລັ່ງຟື້ນຟູຕົ້ນກາເຟ ແຂວງຈໍາປາສັກ ເລີ່ມເຄື່ອນໄຫວແນະນໍາ ຊາວສວນໃນການຮັບມື-ປ້ອງກັນ ນ້ຳໝອກ ທີ່ເປັນຕົ້ນເຫດ ເຮັດໃຫ້ຕົ້ນກາເຟເສຍຫາຍຈໍານວນຫຼາຍ

ພາຍຫຼັງທີ່ເມືອງ​ປາກຊ່ອງ​ ແຂວງ​ຈໍາປາສັກ​ ເກີດສະພາບອາກາດໜາວ​ເຢັນ​ ແລະ​ ເກີດນໍ້າໝອກເກືອ​ (ນໍ້າໝອກກ້າມ)​,​ ເຮັດໃຫ້ຕົ້ນກາເຟຂອງຊາວສວນ​ ໄດ້ຮັບຜົນກະທົບເປັນຈໍານວນຫຼາຍ.​ ຍ້ອນແນວນັ້ນ,​ ພະແນກກະສິກຳ ແລະ ສິ່ງແວດລ້ອມແຂວງຈໍາປາສັກ ຈິ່ງໄດ້ເຄື່ອນໄຫວແນະນໍາ ຊາວສວນໃນການປ້ອງກັນເກີດນ້ຳໝອກ...

ຊ້າງປ່າໂຕທໍາອິດ ໃນປ່າສະຫງວນແຫ່ງຊາດນໍ້າປຸຍ, ແຂວງໄຊຍະບູລີ ທີ່ໄດ້ສໍາເລັດການຕິດປອກຄໍດາວທຽມ (GPS) ຖືເປັນອີກບາດກ້າວໜຶ່ງທີ່ສໍາຄັນ ຕໍ່ວຽກງານອະນຸລັກຊ້າງປ່າໄລຍະຍາວ

ຊ້າງປ່າໂຕທໍາອິດ ໃນປ່າສະຫງວນແຫ່ງຊາດນໍ້າປຸຍ, ແຂວງໄຊຍະບູລີ ທີ່ໄດ້ສໍາເລັດການຕິດປອກຄໍດາວທຽມ (GPS) ຖືເປັນອີກບາດກ້າວໜຶ່ງທີ່ສໍາຄັນ ຕໍ່ວຽກງານອະນຸລັກຊ້າງປ່າໄລຍະຍາວ. ສໍາເລັດຕິດປອກຄໍດາວທຽມ (Elephant Collaring) ໃຫ້ກັບຊ້າງປ່າໂຕທໍາອິດ ທີ່ປ່າສະຫງວນແຫ່ງຊາດນໍ້າປຸຍ, ແຂວງໄຊຍະບູລີ. ນີ້ຖືເປັນອີກບາດກ້າວໜຶ່ງທີ່ສໍາຄັນຕໍ່ວຽກງານອະນຸລັກຊ້າງປ່າໄລຍະຍາວ ໃນເຂດນໍ້າປຸຍ...

ໄຂຂຶ້ນຢ່າງເປັນທາງການ ກອງປະຊຸມລັດຖະບານ ເປີດກວ້າງ ຄັ້ງທີ II ປະຈຳປີ 2025 ຈັດຂຶ້ນລະຫວ່າງ ວັນທີ 12-13 ມັງກອນ 2026

ໃນຕອນເຊົ້າວັນທີ 12 ມັງກອນ 2026 ທີ່ຫໍປະຊຸມແຫ່ງຊາດ, ລັດຖະບານ ໄດ້ໄຂກອງປະຊຸມເປີດກວ້າງ ຄັ້ງທີ II ປະຈໍາປີ 2025 ພາຍໃຕ້ການເປັນປະທານຂອງທ່ານ ສອນໄຊ ສີພັນດອນ...