ເກີດເຫດການບໍ່ຄາດຝັນ ເມື່ອມີລາຍງານວ່າເຮລິຄ໋ອບແຕລຳໜຶ່ງໄດ້ລົງຈອດກະແທກຢ່າງແຮງໃສ່ພື້ນຂອງດາດຟ້າເທິງຕຶກສູງໃກ້ເຂດໄທມສະແຄຣໃນນະຄອນແມນຮັດຕັນ ລັດນິວຢອກຂອງອາເມຣິກາ ສົ່ງຜົນໃຫ້ມີຜູ້ເສຍຊີວິດ 1 ລາຍ (ນັກບິນ) ຂະນະທີ່ຕຶກດັ່ງກ່າວຍັງບໍ່ມີບ່ອນຈອດສຳລັບເຮລິຄ໋ອບແຕ.
ເຫດການດັ່ງກ່າວເກີດຂຶ້ນເມື່ອວັນທີ 10 ມິຖຸນາຜ່ານມາ ເວລາ 14:00 (ຕາມເວລາທ້ອງຖິ່ນ) ທ່າມກາງສະພາບອາກາດທີ່ມີຝົນຕົກ ແລະ ໝອກປົກຄຸມໃນຂະນະທີ່ເກີດເຫດ ຕຶກດັ່ງກ່າວສູງ 54 ຊັ້ນຕັ້ງຢູ່ເຂດແຄມທາງ 787 Seventh Avenue ເຫດການດັ່ງກ່າວ ສົ່ງຜົນໃຫ້ຄົນໃນຕຶກຮູ້ສຶກໄດ້ເຖິງແຮງສັ່ນສະເທືອນແຕ່ກໍບໍ່ມີຄົນໄດ້ຮັບບາດເຈັບ.
ເຫດການດັ່ງກ່າວເຮັດໃຫ້ຊາວນະຄອນນິວຢອກຫວນລະນຶກເຖິງເຫດການວິນາດສະກຳ 11 ກັນຍາ 2001 ທັນທີທີ່ໄດ້ຍິນສຽງເຮືອບິນພຸ່ງຕຳຕຶກເວິລເທຣດເຊັນເຕີ ຂະນະທີ່ເຈົ້າໜ້າທີ່ດັບເພີງສາມາດຄວບຄຸມ ແລະ ເກັບຊາກເຮລິຄ໋ອບແຕລຳດັ່ງກ່າວໄດ້ແລ້ວ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ:khaosod