spot_img
Homeຂ່າວທ້ອງຖິ່ນສາເຫດທີ່ເຮັດໃຫ້ການອອກໃບຕາດິນຊໍ້າຊ້ອນ

ສາເຫດທີ່ເຮັດໃຫ້ການອອກໃບຕາດິນຊໍ້າຊ້ອນ

Published on

ຕໍ່ກັບບັນຫາເລື່ອງທີ່ດິນໂດຍສະເພາະແມ່ນການອອກໃບທະບຽນທີ່ດິນຊໍ້າຊ້ອນຈົນກາຍເປັນບັນຫາຊຳເຮື້ອທີ່ເກີດມີມາຍາວນານ ໃນວາລະກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊດທີ VIII ຄັ້ງວັນທີ 10 ມິຖຸນາ 2019 ທ່ານ ສົມມາດ ພົນເສນາ ລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມໄດ້ກ່າວວ່າ ສາເຫດຕົ້ນຕໍທີ່ພາໃຫ້ເກີດມີການອອກໃບຕາດິນຊໍ້າຊ້ອນແມ່ນເກີດຂຶ້ນຈາກ 7 ປັດໄຈດັ່ງຄື.

  1. ການກວດກາ ແລະ ເກັບກຳຂໍ້ມູນບໍ່ຊັດເຈນ.
  2. ເກັບກຳຂໍ້ມູນເອກະສານທີ່ພົວພັນກັບທີ່ດິນຍັງບໍ່ເປັນລະບົບ.
  3. ການອອກໃບຕາດິນບໍ່ປະຕິບັດຕາມຂັ້ນຕອນທີ່ກຳນົດໄວ້ໃນກົດໝາຍ ແລະ ລະບຽບການຢ່າງເຂັ້ມງວດ ເປັນຕົ້ນໃນມາດຕາ 49 ແລະ 50 ຂອງກົດໝາຍວ່າດ້ວຍທີ່ດິນສະບັບປັບປຸງ ປີ 2003 ລວມເຖິງການອອກໃບຕາດິນບາງກໍລະນີບໍ່ມີການກວດກາ ແລະ ພິສູດຫຼັກຖານໃຫ້ຊັດເຈນ ຊຶ່ງເປັນສາເຫດໜຶ່ງທີ່ພາໃຫ້ມີການນຳເອົາເອກະສານທີ່ດິນໄປອອກໃບຕາດິນຊໍ້າຊ້ອນ.
  4. ຍັງບໍ່ມີເຄື່ອງມືທີ່ທັນສະໄໝໃນການສຳຫຼວດ ວັດແທກ ແລະ ອອກໃບຕາດິນ.
  5. ກົນໄກການປະສານງານລະຫວ່າງອົງການອອກໃບຕາດິນ ແລະ ຜູ້ຮັບໃບຕາດິນເພື່ອເປັນຫຼັກຄໍ້າປະກັນຍັງບໍ່ເປັນລະບົບ.
  6. ການເຜີຍແຜ່ກົດໝາຍ ແລະ ນິຕິກຳກົດໝາຍກ່ຽວກັບທີ່ດິນຍັງບໍ່ທັນທົ່ວເຖິງ ນິຕິກຳໃນການຄຸ້ມຄອງທີ່ດິນມີຫຼາຍ ແຕ່ບັນ ຫານິຕິກຳດັ່່ງກ່າວຍັງບໍ່ທັນໄດ້ຖືກນຳມາເຜີຍແຜ່ຢ່າງກວ້າງຂວາງເທົ່າທີ່ຄວນ ເຮັດໃຫ້ປະຊາຊົນໃນຫຼາຍເຂດບໍ່ເຂົ້າໃຈກ່ຽວກັບກຳມະສິດທີ່ດິນ ຖືເບົາຕໍ່ກັບການອອກໃບຕາດິນ ບໍ່ເຂົ້າຮ່ວມກວດກາຄວາມຖືກຕ້ອງຂອງຕອນດິນຕິດກັນ ເຮັດໃຫ້ເປັນອີກໜຶ່ງຊ່ອງຫວ່າງໃຫ້ກຸ່ມຄົນບໍ່ດີສວຍໂອກາດອອກໃບຕາດິນເກີນຂອບເຂດທີ່ກຳນົດ.
  7. ພະນັກງານລັດຈຳນວນໜຶ່ງທີ່ມີສ່ວນກ່ຽວຂ້ອງກັບການອອກໃບຕາດິນຍັງຖືເບົາຕໍ່ຈັນຍາບັນ ຈັນຍາທຳຂອງຕົນ ບໍ່ເຂັ້ມງວດໃນການຈັດຕັ້ງປະຕິບັດກົດໝາຍ ແລະ ນິຕິກຳພາຍໃຕ້ກົດໝາຍທີ່ວາງອອກ.

ຮຽບຮຽງຂ່າວ: ​ບຸດສະດີ ສາຍນໍ້າມັດ
ແຫຼ່ງຂໍ້ມູນ: ໜັງສືພິມເສດຖະກິດ-ການຄ້າ

ບົດຄວາມຫຼ້າສຸດ

ຜົ້ງສາລີ, ຫົວພັນ ແລະ ຊຽງຂວາງ ອາກາດໜາວສຸດ ອຸນຫະພູມຕໍ່າສຸດຢູ່ທີ 07 ອົງສາ ພ້ອມຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນ ພະຍາກອນອາກາດ ວັນທີ 24 ມັງກອນ 2026

ພະຍາກອນອາກາດ ວັນທີ 24 ມັງກອນ 2026ມວນອາກາດໜາວເຢັນ ຍັງສືບຕໍ່ປົກຄຸມທົ່ວທຸກພາກຂອງປະເທດລາວ ດ້ວຍກໍາລັງປານກາງ ຫາ ແຮງ, ສົມທົບກັບກະແສລົມຕາເວັນອອກສ່ຽງເໜືອພັດປົກຄຸມ, ຊຶ່ງຈະເຮັດໃຫ້ອາກາດຈະເຢັນ ຫາ ໜາວເຢັນຢູ່ໃນແຕ່ລະພາກ, ພ້ອມຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງພາກເໜືອ...

ອັນຕະລາຍກວ່າໂຄວິດ-19 ອິນເດຍສັ່ງກັກໂຕກຸ່ມສ່ຽງຈໍານວນ 100 ຄົນ ເພື່ອເຝົ້າລະວັງ ໄວຣັດນິປາ (Nipah) ມີອັດຕາການເສຍຊີວິດ ສູງເຖິງ 40%-75%

ສຳນັກຂ່າວຕ່າງປະເທດລາຍງານໃນ ວັນທີ 23 ມັງກອນ 2026 – ມີລາຍງານວ່າ ລັດຖະບານອິນເດຍ ປະກາດເລັ່ງດຳເນີນການສະກັດກັ້ນການແຜ່ລະບາດຂອງ ໄວຣັດນິປາ (Nipah virus) ຢ່າງເຂັ້ມງວດ ພາຍຫຼັງກວດພົບຜູ້ຕິດເຊື້ອ...

ຫຸ່ນຍົນຈາລະຈອນ ຈີນນຳໃຊ້ຫຸ່ນຍົນຈະລາຈອນ ໃນການປະຕິບັດໜ້າທີ່ແທນຄົນ ຊ່ວຍຫຼຸດພາລະໃຫ້ແກ່ທາງເຈົ້າໜ້າທີ່

ສຳນັກຂ່າງຕ່າງປະເທດລາຍງານວ່າ ເມື່ອບໍ່ດົນມານີ້ ຢູ່ນະຄອນອູ່ຫູ, ທາງພາກຕາເວັນອອກຂອງປະເທດຈີນ. ໄດ້ນຳຫຸ່ນຍົນຕຳຫຼວດຈະລາຈອນອັດສະລິຍະ ໂຣໂບຄອບ ຫຼື R001 ມາປະຈຳການຢູ່ສີ່ແຍກໃນເສັ້ນທາງທີ່ມີການຈະລາຈອນໜາແໜ້ນ ເພື່ອຄວບຄຸມການຈະລາຈອນ ແລະ ເຕືອນຜູ້ໃຊ້ຖະໜົນທີ່ຝ່າຝືນກົດ ເຊິ່ງໄດ້ປະຕິບັດໜ້າທີ່ແທນເຈົ້າໜ້າທີ່ ທີ່ເປັນຄົນແທ້ໆ. ຫຸ່ນຍົນດັ່ງກ່າວໃຊ້ເທັກໂນໂລຊີ...

ປະກາດແຕ່ງຕັ້ງ ສະຫາຍ ຄຳແຫວນ ປັນຍານຸວົງ  ເປັນປະທານຄະນະກຳມະການປົກຄອງແຂວງບໍລິຄຳໄຊ ຜູ້ໃໝ່

ວັນທີ 22 ມັງກອນ 2026 ນີ້ ຢູ່ທີ່ຫ້ອງວ່າການ ແຂວງ ບໍລິຄຳໄຊ ໄດ້ຈັດພິທີປະກາດ ມອບ-ຮັບໜ້າທີ່ ປະທານຄະນະກຳມະການປົກຄອງແຂວງ ບໍລິຄຳໄຊ ຜູ້ໃໝ່ ລະຫວ່າງ...