ສຳນັກຂ່າວຊື່ດັງໃນອັງກິດໄດ້ເປີດເຜີຍວ່າ ກະຊວງວັດທະນະທຳຂອງຫວຽດນາມຈະລົງ ໂທດນາງແບບສາວ ຫງ໋ອກ ຊິງ (Ngoc Trinh) ດີໄຊເນີ ແລະ ນາງແບບສາວທີ່ແຕ່ງຊຸດໂປ້ເກີນໄປໃນງານຍ່າງພົມແດງທີ່ເທສະການຮູບເງົາເມືອງຄານ ປະເທດຝຣັ່ງເມື່ອເດືອນພຶດສະພາຜ່ານມາ.
ໂດຍຊຸດທີ່ດີໄຊເນີໄດ້ອອກແບບໃຫ້ນາງແບບສວມໃສ່ເປັນຊຸດຊີທຣູສີດຳທີ່ສາມາດເບິ່ງເຫັນທຸກສັດສ່ວນຂອງຮ່າງກາຍ ເວົ້າໄດ້ວ່າເປັນຊຸດທີ່ໂປ້ເກີນງາມ ທັງນີ້ ທ່ານ ຫງຽນ ງ໋ອກ ທຽນ ລັດຖະມົນຕີວ່າການກະຊວງວັດທະນະທຳ ກີລາ ແລະ ການທ່ອງທ່ຽວຂອງຫວຽດນາມໄດກ່າວວ່າ ຊຸດຂອງນາງແບບທີ່ສວມໃສ່ຖືວ່າບໍ່ເໝາະສົມ ຊຶ່ງສົ່ງຜົນໃຫ້ຊາວຫວຽດນາມບໍ່ພໍໃຈ ແລະ ໄດ້ສັ່ງໃຫ້ສອບສວນກໍລະນີດັ່ງກ່າວວ່າ ການກະທຳຂອງດີໄຊເນີ ຄົນນີ້ລະເມີດກົດໝາຍອານາຈານ ຫຼື ບໍ່? ເຖິງແມ່ນວ່າຈະສວມໃສ່ຢູ່ນອກປະເທດກໍຕາມ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: Valery HACHE/AFP