spot_img
Homeຂ່າວຕ່າງປະເທດເຢຍລະມັນຈະເປີດບໍລິການແທັກຊີບິນໄດ້ໃນອີກ 6 ປີຂ້າງໜ້າ

ເຢຍລະມັນຈະເປີດບໍລິການແທັກຊີບິນໄດ້ໃນອີກ 6 ປີຂ້າງໜ້າ

Published on

ບໍລິສັດດ້ານການບິນຜູ້ຜະລິດລົດໃຫຍ່ ແລະ ສະຕາຣດອັບຫຼາຍແຫ່ງໄດ້ຫັນປ່ຽນກົນລະຍຸດດ້ານການຕະຫຼາດ ດ້ວຍການໃຫ້ຄວາມສຳຄັນກັບການຄິດຄົ້ນ ແລະ ພັດທະນາພາຫະນະແຫ່ງອະນາຄົດທີ່ຈະໃຊ້ພະລັງງານສະອາດ ແລະ ເປັນມິດກັບສິ່ງແວດລ້ອມ ແລະ ທີ່ສຳຄັນກໍຄື ຊ່ວຍໃຫ້ມະນຸດເດີນທາງໄດ້ຢ່າງສະດວກສະບາຍ.

ໂດຍ Lilium ສະຕາຣດອັບໃນນະຄອນມິວນິກຂອງເຢຍລະມັນກໍເປັນອີກໜຶ່ງບໍລິສັດເຕັກໂນໂລຊີທີ່ຖືກກ່າວເຖິງຫຼາຍທີ່ໃນເອີຣົບຈາກການປະກາດກຽມພ້ອມໃຫ້ບໍລິການແທັກຊີບິນໄດ້ໃນເມືອງຕ່າງໆທົ່ວໂລກພາຍໃນປີ 2015 ຫຼື ອີກປະມານ 6 ປີຂ້າງໜ້າ ດ້ວຍລາຄາທີ່ໃກ້ຄຽງກັບການນັ່ງລົດແທັກຊີຕາມທ້ອງຖະໜົນທົ່ວໄປ ແຕ່ແທັກຊີບິນໄດ້ຈະຊ່ວຍປະຢັດເວລາໄດ້ຫຼາຍກວ່າ ໂດຍຈະເນັ້ນໃຫ້ທຸກກຸ່ມຄົນສາມາດເຂົ້າເຖິງໄດ້.

Lilium ທີ່ຫາກໍເປີດໂຕແທັກຊີບິນໄຟຟ້າຂະໜາດ 5 ບ່ອນນັ່ງ ຊຶ່ງເປັນເຄື່ອງຕົ້ນແບບ ຫຼື ທີ່ເອີ້ນວ່າ Lilium Jet ເມື່ອບໍ່ດົນມານີ້ ຫຼັງຈາກທີ່ທົດລອງໃຊ້ງານຄັ້ງທຳອິດເມື່ອເດືອນພຶດສະພາຜ່ານມາ ທັງນີ້ ແທັກຊີບິນໄດ້ແມ່ນມີຮູບຊົງຄືກັບໜ່ວນໄຂ່ ໃຊ້ພະລັງງານຈາກແບັດເຕີຣີເປັນໂຕຂັບເຄື່ອນ ສາມາດບິນໄດ້ 300 ກີໂລແມັດຕໍ່ຊົ່ວໂມງຕໍ່ການສາກ 1 ຄັ້ງ ພ້ອມນີ້ ຜູ້ໂດຍສານສາມາດຈອງເຄື່ອງຈາກສະຖານີລົງຈອດທີ່ໃກ້ທີ່ສຸດຜ່ານແອັບພລີເຄເຊິນໃນສະມາດໂຟນໂດຍບໍ່ຕ້ອງວິຕົກກັງວົນເລື່ອງລົດຕິດອີກຕໍ່ໄປ.

ຂະນະທີ່ ມໍຣແກນ ສະແຕນລີ ບໍລິສັດດ້ານການເງິນການລົງທຶນກໍໄດ້ປະເມີນວ່າ ຕະຫຼາດຂອງລົດແທັກຊີບິນໄດ້ອາດມີມູນຄ່າສູງເຖິງ 1,5 ລ້ານລ້ານໂດລາພາຍໃນປີ 2040 ຫຼື ອີກປະມານ 21 ປີຂ້າງໜ້າ.

 

 

 

ຮຽບຮຽງ: ສະຫະລັດ ວອນທິວົງໄຊ

ຂໍ້ມູນ ແລະ ຮູບພາບ: posttoday/Lilium

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...