spot_img
Homeຂ່າວຕ່າງປະເທດຟອດ ກຽມປິດໂຮງງານຜະລິດລົດໃຫຍ່ໃນເວລສ

ຟອດ ກຽມປິດໂຮງງານຜະລິດລົດໃຫຍ່ໃນເວລສ

Published on

ບໍລິສັດ ຟອດ ຢືນຢັນກຽມປິດໂຮງງານຟອດທີ່ເມືອງບຣິດເຈນໃນເວລສ ຊຶ່ງມີກຳນົດປິດຢ່າງເປັນທາງການພາຍໃນປີ 2020 ພາຍຫຼັງທີ່ກໍ່ຕັ້ງມາກວ່າ 40 ປີ ສົ່ງຜົນກະທົບໃຫ້ພະນັກງານເຖິງ 1,7 ພັນຄົນ ແລະ ຖືເປັນມໍລະສຸມຂ່າວຮ້າຍຫຼ້າສຸດຂອງອຸດ ສາຫະກຳລົດໃຫຍ່ໃນອັງກິດ.

ພະນັກງານຂອງໂຮງງານຟອດທີ່ເມືອງບຣິດເຈນຕ່າງກໍພາກັນຕົກໃຈ ແລະ ເສຍໃຈທີ່ສຸດພາຍຫຼັງທີ່ໄດ້ຮັບຈດໝາຍຈາກບໍລິສັດແມ່ໃນອາເມຣິກາທີ່ສົ່ງມາເຖິງເຮືອນ ໂດຍແຈ້ງວ່າ ບໍລິສັດຟອດກຽມປິດໂຮງງານພາຍໃນເດືອນກັນຍາ 2020 ນີ້.

ການປິດໂຕຂອງໂຮງງານຟອດທີ່ເມືອງບຣິດເຈນ ຊຶ່ງຢູ່່ຫ່າງຈາກຄາຣດິຟ ນະຄອນຫຼວງຂອງເວລສປະມານ 32 ກີໂລແມັດ ນອກຈາກຈະສົ່ງຜົນກະທົບຕໍ່ພະນັກງານໃນໂຮງງານກວ່າ 1.700 ຄົນແລ້ວ ຍັງກະທົບຕໍ່ພະນັກງານໃນໂຮງງານ ແລະ ບໍລິສັດ ຕ່າງໆທີ່ຢູ່ໃນສາຍການຜະລິດສິ້ນສ່ວນຕ່າງໆເພື່ອປ້ອນໃຫ້ກັບໂຮງງານຟອດອີກດ້ວຍ.

ຂະນະທີ່ບໍລິສັດຟອດກໍໄດ້ແຈ້ງວ່າ ການເຄື່ອນໄຫວໃນການປິດໂຮງງານທີ່ເມືອງບຣິດເຈນບໍ່ໄດ້ກ່ຽວຂ້ອງກັບການທີ່ອັງກິດຈະອອກຈາກການເປັນສະມາຊິກຂອງສະຫະພາບເອີຣົບ (ເບຣັກຊິດ) ແຕ່ເນື່ອງມາຈາກປັດໄຈຫຼາຍຢ່າງ ລວມທັງການປ່ຽນແປງຂອງຜູ້ບໍລິໂພກ ແລະ ການຫຼຸດລົງຂອງຍອດຈຳໜ່າຍລົດໃຫຍ່ທີ່ໃຊ້ນ້ຳມັນເປັນເຊື້ອເພີງ.

 

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: khaosod

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...