ເຈົ້າໜ້າທີ່ຕຳຫຼວດອົດສະຕຣາລີຢຶດຢາເສບຕິດປະເພດຢາໄອຊ ນ້ຳໜັກກວ່າ 1 ໂຕນ ມູນຄ່າ 840 ລ້ານໂດລາທີ່ເຊື່ອງຢູ່ໃນຕູ້ລຳໂພງຊຶ່ງຖືກສົ່ງມາທາງເຮືອຈາກປະເທດໄທ.
ທ່ານ ເຄຣັກ ພັລເມີຣ ຜູ້ບັນຊາການຕຳຫຼວດຊາຍແດນຂອງອົດສະຕຣາລີເປີດເຜີຍເມື່ອວັນທີ 7 ມິຖຸນາຜ່ານມາວ່າ ສາມາດຢຶດຢາເສບຕິດປະເພດຢາໄອຊນ້ຳໜັກ 1,6 ໂຕນ ແລະ ເຮໂຣອິນອີກ 37 ກີໂລກຣາມໃນພັດສະດຸທີ່ຖືກຊຸກເຊື່ອງມາໃນຕູ້ລຳໂພງ (ທາງເຮືອ) ເທົ່າກັບ 10% ຂອງຢາເສບຕິດທັງໝົດທີ່ຕຳຫຼວດຊາຍແດນອົດສະຕຣາລີເຄີຍຢຶດໄດ້ໃນຊ່ວງປີຜ່ານມາ ໂດຍມີຕົ້ນທາງຈາກປະເທດໄທສົ່ງມາຍັງນະຄອນເມລເບິຣນຂອງອົດສະຕຣາລີ ທັງນີ້ ຖືເປັນການຢຶດຢາເສບຕິດຄັ້ງໃຫຍ່ທີ່ສຸດເທົ່າທີ່ເຄີຍມີມາໃນອົດສະຕຣາລີ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: AFP