ຫຼາຍຄັ້ງທີ່ກ້ອງວົງຈອນປິດສາມາດບັນທຶກເຫດການຂອງໂຈນທີ່ມາໃນຄາບຂອງແມ່ບ້ານ (ບາງຄົນ) ດ້ວຍຫຼາກຫຼາຍວິທີບໍ່ວ່າຈະເປັນເຊື່ອງໄວ້ໃນຫວ່າງຂາ ໃນຊຸດຊັ້ນໃນ ກະເປົ໋າຖື ລົດຂອງຫຼິ້ນເດັກນ້ອຍ ແລະ ອື່ນໆ.
ສຳນັກຂ່າວຕ່າງປະເທດໄດ້ລາຍງານເມື່ອວັນທີ 6 ມິຖຸນາຜ່ານມາວ່າ ນາຍຈ້າງເກີດຄວາມສົງໄສວ່າແມ່ບ້ານ (ລູກຈ້າງ) ຈະເປັນຄົນທີ່ລັກໂມງຂອງນາງໄປ ຫຼື ບໍ່? ແຕ່ວ່າຜູ້ຖືກກ່າວຫາກໍປະຕິເສດ ດັ່ງນັ້ນ ເລື່ອງຈຶ່ງຮອດມືຕຳຫຼວດເປັນຄົນກວດສອບ.
ລາຍງານຂ່າວລະບຸວ່າ ລະຫວ່າງສືບສວນ-ສອບສວນນັ້ນ ເຈົ້າໜ້າທີ່ຕຳຫຼວດສັງເຫດວ່າທ່ານັ່ງຂອງແມ່ບ້ານທີ່ຖືກກ່າວຫາມີທ່າທີແປກຈົນເກີດຄວາມສົງໄສວ່າ ນາງອາດເຊື່ອງໂມງໄວ້ໃນຊ່ອງຄອດຂອງນາງ? ແລະ ເພື່ອໃຫ້ແນ່ໃຈເຈົ້າໜ້າທີ່ຈຶ່ງນຳຕົວແມ່ບ້ານໄປເອັກສະເຣ ຊຶ່ງປາກົດວ່າໃນພາບເອັກສະເຣພົບວັດຖຸໂທຫະຄ້າຍຄືໂມງຢູ່ໃນຊ່ອງຄອດຂອງນາງແທ້.
ຫຼັງຈາກນັ້ນເຈົ້າໜ້າທີ່ຕຳຫຼວດກໍໄດ້ຄວບຄຸມແມ່ບ້ານໄປດຳເນີນຄະດີຕາມກົດໝາຍ ແລະ ນີ້ກໍບໍ່ແມ່ນຄັ້ງທຳອິດທີ່ເກີດຄະດີເຊື່ອງຂອງກາງໃນຊ່ອງຄອດ ຊຶ່ງເມື່ອປີ 2013 ກໍມີຄະດີສາວອາເມຣິກາໄວ 25 ປີລັກໂມງຍີ່ຫໍ້ຫຼູລາຄາແພງເຊື່ອໄວ້ໃນຊ່ອງຄອດ ແລະ ໃນປີ 2014 ມີອີກ 1 ຄະດີກໍຄືກໍລະນີສາວຊາວອາເມຣິກາໄວ 31 ປີ ຖືກຕຳຫຼວດກັກຕົວພ້ອມຂອງກາງປະເພດຢາເສບຕິດ ແລະ ທີ່ບໍ່ໜ້າເຊື່ອກໍຄື ນາງເຊື່ອງປືນຊະນິດເຄິ່ງອັດຕະໂນມັດ (.22) ພ້ອມລູກປືນໄວ້ໃນຊ່ອງຄອດຂອງນາງ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: https://news.ebc.net.tw