ເດັກຍິງຊາວຈີນ ອາຍຸ 14 ປີ ຖືກນຳສົ່ງໂຮງໝໍເນື່ອງຈາກມີອາການທ້ອງຍື່ງ ເຈັບທ້ອງ ແລະ ມີບັນຫາເລື່ອງການຂັບຖ່າຍ ຂະນະທີ່ແພດໄດ້ເອັກສະເຣຮ່າງກາຍແລ້ວພົບວ່າມີເມັດຊາໄຂ່ມຸກຢູ່ໃນຮ່າງກາຍຂອງເດັກຍິງຈຳນວນຫຼາຍ.
ເດັກຍິງຄົນດັ່ງກ່າວອາໄສຢູ່ໃນມົນທົນເຈີຈຽງ ພາຍຫຼັງທີ່ຖືກນຳຕົວສົ່ງໂຮງໝໍກໍໄດ້ຮັບການກວດເຊັກຮ່າງກາຍຢ່າງລະອຽດເຖິງສາເຫດຂອງອາການ ທັງນີ້ ຈິ່ງພົບວ່າໃນກະເພາະອາ ຫານ ລຳໄສ້ ແລະ ທະວານໜັກຂອງເດັກຍິງເຕັມໄປດ້ວຍເມັດຊາໄຂ່ມຸກທີ່ຍັງບໍ່ຖືກຍ່ອຍຈຳນວນຫຼາຍ ຫຼັງຈາກນັ້ນໝໍກໍໄດ້ສັ່ງຢາລະບາຍເພື່ອຊ່ວຍໃຫ້ຄົນເຈັບຂັບຖ່າຍເມັດໄຂ່ມຸກອອກຈາກຮ່າງກາຍ.
ຂະນະທີ່ຊາວໂຊຊຽວກໍເກີດຄວາມສົງໄສກ່ຽວກັບພາບຖ່າຍເອັກສະເຣວ່າ ອາດບໍ່ແມ່ນພາບ ຈິງ ແລະ ອີກບາງສ່ວນກໍສົງໄສວ່າອາດເປັນສານພິດຊະນິດອື່ນທີ່ເປັນສາເຫດຂອງອາການເຈັບປວດທີ່ບໍ່ໄດ້ເກີດຈາກເມັດຊາໄຂ່ມຸກ ທັງນີ້ ທ່ານໝໍກໍໄດ້ເຕືອນວ່າ ໄຂ່ມຸກໃນຊານົມທີ່ ເຮັດຈາກແປ້ງມັນດ້າງບໍ່ແມ່ນອາຫານທີ່ສາມາດຍ່ອຍໄດ້ງ່າຍ ນອກນີ້ ຜູ້ປະກອບການບາງຄົນກໍໄດ້ຕື່ມສ່ວນປະກອບອື່ນໆເພື່ອເພີ່ມຄວາມໜຽວ ຊຶ່ງອາດສົ່ງຜົນອັນຕະລາຍຕໍ່ລະບົບຍ່ອຍອາຫານຖ້າຫາກບໍລິໂພກຫຼາຍເກີນໄປ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: komchadluek