ດັ່ງທີ່ຮູ້ກັນດີວ່າ ຂີ້ເຫຍື້ອພລາສຕິກຖືເປັນບັນຫາທີ່ເກີດກັບທຸກປະເທດທົ່ວໂລກ ຊຶ່ງການກຳຈັດຂີ້ເຫຍື້ອປະເພດນີ້ຕ້ອງໃຊ້ເວລາດົນນານ ລວມເຖິງຕ້ອງນຳວິທີທີ່ເໝາະສົມ ແລະ ຖືກຕ້ອງເພື່ອບໍ່ໃຫ້ກະທົບເຖິງສິ່ງແວດລ້ອມ ທັງນີ້ ບັນດານັກວິທະຍາສາດພະຍາຍາມຄົ້ນຄິດຫາວິທີນຳຂີ້ເຫຍື້ອພລາສຕິກໝຸນວຽນກັບມາໃຊ້ປະໂຫຍດຄືນໄດ້.
ຊຶ່ງເມື່ອບໍ່ດົນມານີ້ ດຣ ຮັນວູ ເລີຍ ຈາກພາກວິຊາວິສະວະກຳລະບົບຊີວະວິທະຍາແຫ່ງມະຫາວິທະຍາໄລຊື່ດັງໃນລັດວໍຊິງຕັນ ອາເມຣິກາໄດ້ເປີດເຜີຍເຖິງການຄົ້ນພົບວິທີຊຶ່ງຖືເປັນວິທີທີ່ດີ ແລະ ເຂົ້າໃຈງ່າຍໃນການຣີໄຊເຄິລຂີ້ເຫຍື້ອພລາສຕິກ.
ວິທີດັ່ງກ່າວກໍຄືການປ່ຽນຂີ້ເຫຍື້ອພລາສຕິກໃຫ້ກາຍເປັນເຊື້ອເພີງທີ່ໃຊ້ກັບປະເພດເຮືອບິນ (Jet Fuel) ໂດຍທີມວິໄຈໄດ້ທົດສອບພລາສຕິກຊະນິດທີ່ມີຄວາມໜາແໜ້ນຕ່ຳກັບຜະລິດຕະພັນທີ່ເຮັດຈາກຂີ້ເຫຍື້ອພລາສຕິກຫຼາກຫຼາຍຊະນິດເຊັ່ນ ກະຕຸກນ້ຳ ຂວດໃສ່ເຂົ້າໜົມ ແລະ ຖົງຢາງພລາສຕິກ ໂດຍນຳທຸກຢ່າງມາບົດໃຫ້ລະອຽດຈົນເຫຼືອຂະໜາດພຽງ ແຕ່ 3 ມິລິແມັດ ຫຼື ເທົ່າກັບເມັດເຂົ້າ ແລ້ວນຳໄປຜ່ານຂະບວນການຕ່າງໆ ຫຼັງຈາກການທົດສອບໂຕເລັ່ງປະຕິກິລິຍາທີ່ແຕກຕ່າງກັນກໍປາກົດວ່າ ການຜະລິດເຊື້ອເພີງທີ່ນຳໃຊ້ກັບປະເພດເຮືອບິນໄດ້ເຖິງ 85% ຊຶ່ງຂະບວນການນີ້ສາມາດປັບຂະໜາດໄດ້ງ່າຍ ແລະ ສາມາດນຳໃຊ້ໃນໂຮງງານຂະໜາດໃຫຍ່ ແລະ ອື່ນໆ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: thairath