ກອງທຶນການເງິນລະຫວ່າງປະເທດ ປັບຫລຸດການເຕີບໂຕເສດຖະກິດໂລກປີນີ້ ແລະ ປີໜ້າລົງເລັກໜ້ອຍ ຫລັງເສດ
ຖະກິດຍີ່ປຸ່ນ, ເອີລົບ ແລະ ປະເທດອາເມຣິກາໃຕ້ອ່ອນໂຕ.
ສຳນັກຂ່າວຕ່າງປະເທດ ລາຍງານໃນວັນທີ 8 ຕຸລານີ້ວ່າ ກອງທຶນລະຫວ່າງປະເທດ ຫລື ໄອເອັມເອັບ ໄດ້ປັບຫລຸດແນວ
ໂນ້ມການຂະຫຍາຍຕົວຂອງເສດຖະກິດໂລກປີນີ້ ແລະ ປີໜ້າລົງເລັກໜ້ອຍ ເຊິ່ງສ່ວນໃຫຍ່ເປັນເພາະການຂະຫຍາຍ
ຕົວຂອງເສດຖະກິດຍີ່ປຸ່ນ, ອາເມຣິກາໃຕ້ ແລະ ເອີລົບຂ້ອນຂ້ອງອ່ອນໂຕ ໂດຍໄອເອັມເອັບຖະແຫລງວ່າ ເສດຖະກິດ
ຂອງໂລກຈະເຕີບໂຕໄດ້ຢູ່ 3.3% ໃນປີນີ້ ເຊິ່ງຫລຸດລົງຈາກທີ່ຄາດການໄວ້ທີ່ 3.4% ໃນເດືອນກໍລະກົດທີ່ຜ່ານມາ ສ່ວນ
ໃນປີໜ້າຄາດວ່າຈະຂະຫຍາຍຕົວ 3.8% ເມື່ອທຽບກັບການຄາດການກ່ອນໜ້ານີ້ ທີ່ວາງໄວ້ຢູ່ 4.0%
ການຫລຸດຕົວເລກເສດຖະກິດຄັ້ງນີ້ ສະທ້ອນໃຫ້ເຫັນການຫລຸດລົງຢ່າງຮຸນແຮງ ຂອງແນວໂນ້ມເສດຖະກິດໃນເອີລົບ,
ຣັດເຊຍ, ຕາເວັນອອກກາງ ແລະ ຍີ່ປຸ່ນ.
ຢ່າງໃດກໍຕາມ ໄອເອັມເອັບ ຍອມຮັບວ່າ ມີການປັບກລຸດການຄາດການຫລາຍຄັ້ງໃນຊ່ວງຫລາຍປີຜ່ານມານີ້ ແລະ
ບາງສ່ວນກໍເປັນເພາະການທີ່ເສດຖະກິດຂອງປະເທດທີ່ກ້າວໜ້ານັ້ນ ເລີ່ມຊະລໍຕົວຍາວນານ.