ສຳນັກຂ່າວຕ່າງປະເທດລາຍງານເມື່ອວັນທີ 4 ມິຖຸນາຜ່ານມາວ່າ ມີແມ່ຍິງຄົນໜຶ່ງລືມເຄື່ອງເພັດມູນຄ່າກວ່າ 4 ລ້ານໂດລາໄວ້ເທິງເຮືອບິນ ຊຶ່ງນາງຕ້ອງນຳກັບໄປສົ່ງຄືນໃຫ້ ຣິຕ້າ ໂອຣາ ນັກຮ້ອງ ນັກປະພັນເພງ ແລະ ນັກສະແດງຊາວອັງກິດໃສ່ໃນງານເທສະການຮູບເງົາເມືອງຄານທີ່ປະເທດຝຣັ່ງ.
ລາຍງານຂ່າວດຽວກັນລະບຸຕື່ມວ່າ ຣິຕ້າ ໄດ້ຂໍຢືມຊຸດເຄື່ອງເພັດຈາກແບຣນຫຼູລາຍໜຶ່ງເພື່ອ ໃສ່ໃນງານດັ່ງກ່າວ ແຕ່ຜູ້ທີ່ຮັບຜິດຊອບນຳສົ່ງເຄື່ອງເພັດຜັດລືມໄວ້ຢູ່ເທິງເຮືອບິນ ຊຶ່ງກວ່າທີ່ນາງຈະຄິດອອກກໍບໍ່ທັນແລ້ວ ເມື່ອສາຍການບິນທີ່ນາງນັ່ງມາຈາກນະຄອນມາຍັງ ເມືອງນິຊ ປະເທດຝຣັ່ງ ໄດ້ບິນກັບໄປແລ້ວ ຢ່າງໃດກໍຕາມ ເຈົ້າໜ້າທີ່ຕຳຫຼວດກໍໄດ້ເປີດເຜີຍວ່າ ໂຊກດີທີ່ ຣິຕ້າ ໂອຣາ ໄດ້ຮັບເຄື່ອງເພັດຊຸດດັ່ງກ່າວໃນເວລາຕໍ່ມາ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: GettyImages