ເມື່ອລະຫວ່າງທ້າຍເດືອນພຶດສະພາຜ່ານມາ ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໄດ້ກ່າວວ່າ “ສປປ ລາວ ໄດ້ຮັບການຊຸກຍູ້ດ້ານການພັດທະນາຈາກສາກົນ ເປັນຕົ້ນແມ່ນ ສປ ຈີນ ລວມເຖິງຜູ້ໃຫ້ກູ້ຍືມຫຼາຍໆອົງການ ຊຶ່ງຄວາມໜັກແໜ້ນຈະພາໃຫ້ມີການຄຸ້ມຄອງ ແລະ ຈະສາມາດຈັດການໄດ້ທຸກບັນຫາ ” ພ້ອມນີ້ ທ່ານກໍໄດ້ເນັ້ນຕື່ມວ່າ “ຖ້າພວກເຮົາບໍ່ກູ້ຢືມ ປະເທດລາວກໍຈະບໍ່ມີການພັດທະນາໃນທາງທີ່ຄວນ ແລະ ກໍຈະບໍ່ສາມາດນໍາປະເທດຫຼຸດພົ້ນຈາກສະພາວະດ້ອຍພັດທະນາໄດ້”.
ສປປ ລາວ ມີມາດຕະການຂອງຕົນເອງໃນການຄຸ້ມຄອງໜີ້ສິນ ແລະ ຮັບປະກັນຄວາມສົມດຸນໃນຂະແໜງການໜີ້ສາທາລະນະ ຂະນະທີ່ນາໆຊາດໄດ້ຊັກຖາມເຖິງການກູ້ຢືມຕ່າງປະເທດ ເປັນຕົ້ນການລິເລີ່ມໂຄງການໜຶ່ງແລວທາງ-ໜຶ່ງເສັ້ນທາງຂອງ ສປ ຈີນ ແລະ ທ່ານກໍໄດ້ກ່າວວ່າ ມັນເປັນກົນໄກໃໝ່ທີ່ມີຄຸນຄ່າສໍາລັບການຮ່ວມມືລະຫວ່າງປະເທດລາວທີ່ມີຊາຍແດນຕິດກັບ ສປ ຈີນ ແລະ ໄດ້ສະໜັບສະໜູນການລົງທຶນດ້ານພື້ນຖານໂຄງລ່າງ ຊຶ່ງໃນປີ 2019 ນີ້ຄະນະກວດກາສະຫະປະຊາຊາດກໍໄດ້ສົ່ງທີມກວດກາຊຸດໜຶ່ງມາກວດກາຄວາມຄືບໜ້າການພັດທະນາຂອງ ສປປ ລາວ.
ນັບຕັ້ງແຕ່ປີ 2013 ເປັນຕົ້ນມາ IMF ໄດ້ຕັ້ງຂໍ້ສົງໄສກ່ຽວກັບຄວາມສາມາດໃນການບໍລິຫານໜີ້ສິນຂອງລາວ ແລະ ຖ້າຫາກວ່າ ສປປ ລາວ ສືບຕໍ່ເດີນໜ້າແຜນການກໍ່ສ້າງທາງລົດໄຟ ລາວ-ຈີນ ນອກເໜືອຈາກບັນດາໂຄງການທີ່ຕ້ອງລະມັດລະວັງອື່ນໆແລ້ວ ຊຶ່ງຄ່າໃຊ້ຈ່າຍຂອງເສັ້ນທາງລົດໄຟປະມານ 6 ຕື້ໂດລາ ຫຼື ເກືອບເທົ່າກັບເຄິ່ງໜຶ່ງຂອງຜະລິດຕະພັນພາຍໃນຂອງປະເທດ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: www.sokhaviek.com