ສຳນັກຂ່າວຕ່າງປະເທດລາຍງານເມື່ອທ້າຍເດືອນພຶດສະພາຜ່ານມາວ່າ ເຈົ້າໜ້າທີ່ຕຳຫຼວດ ແລະ ພະນັກງານດຳເພີງໄດ້ເຂົ້າຊ່ວຍເຫຼືອຍິງສາວຊາວໂກລຳບີໄວກາງຄົນຊາວໂກລຳບີ ເນື່ອງຈາກຫົວຂອງນາງຕິດຢູ່ກັບປະຕູເຫຼັກດົນເຖິງ 5 ຊົ່ວໂມງ.
ທັງນີ້ ແມ່ຍິງຄົນນີ້ເປັນຊາວເມືອງລາ ເວີຣຈິເນຍ ໃນໂກລຳບີ ຕ້ອງອັບອາຍຢ່າງໜັກ ພາຍຫຼັງທີ່ຖືກເຜີຍແຜ່ພາບທີ່ນາງກຳລັງຕິດຢູ່ກັບປະຕູເຫຼັກຂອງເພື່ອນບ້ານ ຊຶ່ງສາເຫດກໍເນື່ອງມາຈາກຄວາມຢາກຮູ້ຢາກເຫັນຢາກຟັງເລື່ອງລາວຂອງເພື່ອນບ້ານທີ່ກຳລັງສົນທະ ນາຊຸບຊິບກັນ.
ຂະນະທີ່ການຊ່ວຍເຫຼືອກໍເຕັມໄປດ້ວຍຄວາມຍາກລຳບາກ ເນື່ອງຈາກເຈົ້າໜ້າທີ່ ແລະ ພະນັກງານດັບເພີງຕ້ອງໃຊ້ສະມາທິຢ່າງສູງ ເພາະສະພາບທີ່ເຫັນຖືເປັນເລື່ອງທີ່ໜ້າອາຍ ແລະ ເປັນເລື່ອງທີ່ຕະຫຼົກ ຫຼັງຈາກນັ້ນບໍ່ດົນເຈົ້າໜ້າທີ່ກໍສາມາດຊ່ວຍເອົາຫົວຂອງຜູ້ເຄາະຮ້າຍຈາກການສອດຮູ້ສອດເຫັນອອກຈາກປະຕູເຫຼັກຢ່າງປອດໄພ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: Facebook Radio LaRoca FM103.9