spot_img
Homeຂ່າວພາຍ​ໃນສະເຫຼີມສະຫຼອງປີແລກປ່ຽນວັດທະນະທຳອາຊຽນ-ໄທ

ສະເຫຼີມສະຫຼອງປີແລກປ່ຽນວັດທະນະທຳອາຊຽນ-ໄທ

Published on

ຄ່ຳຄືນຂອງວັນທີ 29 ພຶດສະພາຜ່ານມາ ທີ່ຫໍວັດທະນະທຳແຫ່ງຊາດ ນະຄອນຫຼວງວຽງຈັນ ໂດຍກະຊວງຖະແຫຼງຂ່າວ ວັດທະນະ ທຳ ແລະ ທ່ອງທ່ຽວ ສປປ ລາວ ຮ່ວມກັບສະຖານທູດໄທ ປະຈຳລາວ ແລະ ກະຊວງວັດທະນະທຳແຫ່ງຣາຊະອານາຈັກໄທ ຈັດງານສະເຫຼີມສະຫຼອງປີແລກປ່ຽນວັດນະທະທຳອາຊຽນ-ໄທຢ່າງຍິ່ງໃຫຍ່ ໂດຍການນຳເອົາຮູບເງົາແອນນິເມເຊິນເລື່ອງ “ພະຣັກ-ພະຣາມ” ເວີເຊິນແປພາສາລາວມາສ້າງສີສັນພາຍໃນງານ.

ໂດຍການເຂົ້າຮ່ວມຂອງ ທ່ານ ກຽດຕິຄຸນ ຊາດປະເສີດ ເອກອັກຄະຣາຊະທູດໄທປະຈຳ ສປປ ລາວ ທ່ານ ບໍ່ແສງຄຳ ວົງດາລາ ລັດ ຖະມົນຕີກະຊວງ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ທ່ານ ວິຣະ ໂຣດພົດຈະນະຣັດ ລັດຖະມົນຕີກະຊວງວັດທະນະທຳແຫ່ງຣາຊະອານາຈັກໄທ ມີບັນດາແຂກຖືກເຊີນທັງພາກລັດ ແລະ ເອກະຊົນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທ່ານ ກຽດຕິຄຸນ ໄດ້ກ່າວວ່າ ຣາຊະອານາຈັກໄທ ແລະ ສາທາລະນະລັດ ປະຊາທິປະໄຕ ປະຊາຊົນລາວ ມີຄວາມສຳພັນທີ່ແໜ້ນແຟ້ນມາຢ່າງຍາວນານ ຊຶ່ງວັດທະນະທຳຂອງທັງສອງຊາດແມ່ນຄ້າຍຄື ແລະ ເຊື່ອມໂຍງກັນ ບໍ່ວ່າຈະເປັນການເວົ້າ ການແຕ່ງກາຍ ປະເພນີ ພິທີກຳ ລວມເຖິງສິລະປະຂະແໜງຕ່າງໆ.

ຂະນະທີ່ມໍລະດົກທາງວັດທະນະທຳທີ່ຈັບຕ້ອງໄດ້ ແລະ ຈັບຕ້ອງບໍ່ໄດ້ຫຼາຍຢ່າງມີລ້ວນມາຮາກເຫງົ້າທາງປະຫວັດສາດ ແລະ ຄວາມເປັນມາຈາກທີ່ດຽວກັນເຊັ່ນ ວັດທະນະທຳເລື່ອງ ຣາມມະກຽນຂອງໄທ ແລະ ເລື່ອງພະຣັກ-ພະຣາມ ຂອງ ສປປ ລາວ ທີ່ນຳເອົາເຄົ້າໂຄງມາຈາກມະຫາກາບຣາມະຍນະໃນສາສະໜາຮິນດູຂອງອິນເດຍ.

ທັງນີ້ ລັດຖະບານໄທໂດຍກະຊວງວັດທະນະທຳໄດ້ສ້າງຮູບເງົາແອນນິເມເຊິນເລື່ອງ “ຣາມມະກຽນ” ຈາກຈິດຕະກຳຮອບພຣະຣະບຽງພຣະອຸໂບສົດວັດພຣະສີຣັຕຕະນະສາສະດາຣາມຕອນ “ຣາມາວະຕາຣ” ທີ່ກ່າວເຖິງການອະວະຕາຣຂອງພຣະນາຣາຍເປັນພຣະຣາມເພື່ອປຣາບຍັກທົດສະກັນ ຊຶ່ງຖືເປັນນະວັດຕະກຳຮູບແບບໃໝ່ທີ່ໄດ້ນຳເອົາຕົວລະຄອນ ຈາກຈິດຕະກຳຝາຜະໜັງອ້ອມລະບຽງວັດມາສ້າງສັນໃຫ້ເຄື່ອນໄຫວ ມີຊີວິດ ເພື່ອໃຫ້ຜູ້ຊົມສາມາດເຂົ້າໃຈເນື້ອຫາສາລະໄດ້ງ່າຍຂຶ້ນ ທັງມີຄວາມມ່ວນຊື່ນ ເພີດເພີນທີ່ສອດ ຄ່ອງກັບຍຸກສະໄໝ ແລະ ເປັນການອະນຸຮັກ ແລະ ພັດທະນາມໍລະດົກພູມປັນຍາ ຊຶ່ງເປັນທຶນທາງວັດທະນະທຳໃຫ້ມີຄຸນຄ່າເພີ່ມຍິ່ງຂຶ້ນ.

ໃນນາມລັດຖະບານ ແລະ ປະຊາຊົນຊາວໄທ ຂ້າພະເຈົ້າຂໍຂອບໃຈທ່ານຜູ້ມີກຽດທຸກທ່ານເປັນຢ່າງສູງທີ່ໃຫ້ຄວາມສົນໃຈ ແລະ ຕ້ອນຮັບຮູບເງົາແອນນິເມເຊິນເລື່ອງ “ຣາມມະກຽນ” ໂດຍສະເພາະກໍຂໍຂອບໃຈມາຍັງກະຊວງຖະແຫຼງຂ່າວ ວັດທະນະທຳ ແລະ ທ່ອງ ທ່ຽວແຫ່ງ ສປປ ລາວ ທີ່ໃຫ້ກຽດເປັນເຈົ້າພາບຮ່ວມໃນການຈັດການສາຍຮູບເງົາໃນຄັ້ງນີ້.

 

 

ໂດຍ: ສະຫະລັດ ວອນທິວົງໄຊ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...