ກຸ່ມນັກວິທະຍາສາດໄດ້ເປີດເຜີຍເມື່ອວັນທີ 27 ພຶດສະພາຜ່ານມາ ຊຶ່ງໄດ້ລາຍງານໃນທີ່ປະຊຸມນັກວິທະຍາດ້ານສິ່ງແວດລ້ອມທີ່ນະຄອນເຮລຊິງກິ ປະເທດຟິນແລນທີ່ລະບຸວ່າ ຈາກການເກັບຕົວຢ່າງນ້ຳໃນແມ່ນ້ຳໃນ 72 ປະເທດທົ່ວໂລກພົບວ່າເຕັມໄປດ້ວຍມົນລະພິດຈາກຢາຕ້ານເຊື້ອທີ່ສູງເກີນມາດຕະຖານຄວາມປອດໄພດ້ານສິ່ງແວດລ້ອມເຖິງ 300 ເທົ່າ.
ທັງນີ້ ແມ່ນ້ຳແຫ່ງໜຶ່ງທີ່ປະເທດບັງກະດາເດັດພົບວ່າມີເມໂທຣດິນາໂຊລທີ່ເປັນຢາຂ້າເຊື້ອແບັກທີເຣຍ ຊຶ່ງບໍ່ພຽງແຕ່ຈະສົ່ງຜົນກະທົບຕໍ່ສັດປ່າເທົ່ານັ້ນ ແຕ່ຍັງສ້າງບັນຫາການດື້ຢາອີກດ້ວຍ ຊຶ່ງອົງການອະນາໄມໂລກ (WHO) ໄດ້ອອກມາເຕືອນວ່າ ຢາຂ້າເຊື້ອທີ່ຍັງມີປະສິດທິພາບກຳລັງຈະໝົດໄປຈາກໂລກໃນໄວໆນີ້ ດັ່ງນັ້ນ ຈິ່ງຮຽກຮ້ອງໃຫ້ອຸດສາຫະກຳ ແລະ ລັດຖະບານໃນປະເທດທົ່ວໂລກຮີບເລັ່ງພັດທະນາຢາຂ້າເຊື້ອຊະນິດໃໝ່ໂດຍໄວ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: thairath