spot_img
Homeຂ່າວຕ່າງປະເທດເຈົ້າໜ້າທີ່ຕຳຫຼວດມຽນມາອອກໝາຍຈັບ “ພຣະວີຣະທຸ”

ເຈົ້າໜ້າທີ່ຕຳຫຼວດມຽນມາອອກໝາຍຈັບ “ພຣະວີຣະທຸ”

Published on

ທາງການມຽນມາອອກໝາຍຈັບ “ພຣະວີຣະທຸ” ຂໍ້ຫາປຸກລະດົມສ້າງຄວາມແຕກແຍກລະຫວ່າງເຊື້ອຊາດ ແລະ ສາສະໜາ ໂດຍສະເພາະກັບຊາວໂຣຮິນຈາ.

ລາຍງານຂ່າວຕ່າງປະເທດຈາກນະຄອນຢາງກຸງ ປະເທດມຽນມາເມື່ອວັນທີ 29 ພຶດສະພາໃຫ້ຮູ້ວ່າ ສານແຂວງຕາເວັນຕົກຂອງນະຄອນຫຼວງຢາງກຸງອະນຸມັດຄຳຮ້ອງຂອງເຈົ້າໜ້າທີ່ຕຳຫຼວດອອກໝາຍຈັບ “ພຣະວີຣະທຸ”  ພຣະສົງຊື່ດັງຊາວມຽນມາ ຊຶ່ງເຄີຍຖືກຂະໜານນາມວ່າ “ບິນ ລາເດັນ ແຫ່ງມຽນມາ” ໂທດຖານເຮັດຜິດກົດໝາຍອາຍາ ມາດຕາ 124 (A) ກ່ຽວກັບການໃຊ້ຖ້ອຍຄຳຮຸນແຮງໂຈມຕີກຸ່ມບຸກຄົນໜຶ່ງແບບເຈາະຈົງ ເພື່ອປຸກລະດົມ ແລະ ຊຸກຍູ້ໃຫ້ເກີດຄວາມຄິດກຽດຊັງທາງເຊື້ອຊາດ ແລະ ສາສະໜາ.

ເຖິງແມ່ນວ່າສຳນັກງານຕຳຫຼວດໃນນະຄອນຢາງກຸ້ງຈະປະຕິເສດໃຫ້ລາຍລະອຽດເພີ່ມເຕີມກ່ຽວກັບມູນເຫດດັ່ງກ່່າວ ແຕ່ກໍເປັນທີ່ຮູ້ຈັກກັນດີຂອງຄົນໃນປະເທດ ແລະ ນອກປະເທດວ່າ ພຣະວີຣະທຸ ເຄີຍໂພສຂໍ້ຄວາມເທິງເພຊສ່ວນຕົວໃນລັກສະນະຕໍ່ຕ້ານຊາວໂຣຮິນຈາຫຼາຍຄັ້ງ ລວມເຖິງການຮຽກຮ້ອງໃຫ້ລັດຖະບານມຽນມາຈຳກັດຈຳນວນປະຊາກອນກຸ່ມມຸດສະລິມ ຈິ່ງສົ່ງຜົນໃຫ້ເຟສບຸ໊ກປິດເພຊຂອງພຣະຊື່ດັງເມື່ອຕົ້ນປີ 2018 ຜ່ານມາ ແລະ ເມື່ອຊ່ວງທ້າຍປີດຽວກັນ ເຟສບຸ໊ກກໍໄດ້ປິດເພຊຂອງ “ມະບະທະ” ຊຶ່ງເປັນອົງກອນພຣະສົງຊາດນິຍົມຂອງມຽນມາ ແລະ ບັນຊີຜູ້ໃຊ້ງານຂອງພຣະສົງຫົວຮຸນແຮງຊື່ດັງຫຼາຍອົງທີ່ເປັນສະມາຊິກຂອງມະບະທະ.

ຢ່າງໃດກໍຕາມ ພຣະວີຣະທຸ ສາມາດກັບມາດຳເນີນວຽກເທສະໜາ ແລະ ກ່າວປາໄສທົ່ວປະເທດໄດ້ຕັ້ງແຕ່ເດືອນມີນາ 2018 ຜ່ານມາ ພາຍຫຼັງຄົບກຳນົດຖືກມະຫາເຖລະສະມາຄົມຂອງມຽນມາລົງມະຕິຫ້າມເປັນເວລາ 1 ປີ ແຕ່ມະບະທະກໍໄດ້ຍຸຕິການເຄື່ອນໄຫວຢ່າງເປັນທາງການຕັ້ງແຕ່ກາງປີ 2018 ຕາມຄຳສັ່ງຂອງມະຫາເຖລະສະມາຄົມ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: AFP

ບົດຄວາມຫຼ້າສຸດ

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...