ທະນາຄານການຄ້າຕ່າງປະເທດລາວມະຫາຊົນ (ທຄຕລ) ເຊື່ອມໂຍງລະບົບເອທີເອັມກັບທະນາຄານພັດທະນາລາວ
(ທພລ) ແລ້ວ ໝາຍຄວາມວ່າບັດເອທີເອັມຂອງ ທຄຕລ ແລະ ທພລ ສາມາດນຳໃຊ້ຮ່ວມຕູ້ເອທີເອັມນຳກັນໄດ້ພາຍ
ຫຼັງທີ່ເປີດເຊື່ອມໂຍງຢ່າງເປັນທາງການໃນມື້ວານນີ້.
ເຂົ້າຮ່ວມໃນການເຊື່ອມໂຍງລະບົບເອທີເອັມຂອງສອງທະນາຄານໂດຍ ທ່ານ ຄຳວົງ ທິບພະວົງ ຮອງຜູ້ວ່າການທະນາ
ຄານແຫ່ງ ສປປ ລາວ ພ້ອມດ້ວຍ ທ່ານ ວັນຄຳ ວໍຣະວົງ ຜູ້ອຳນວຍການໃຫຍ່ ທຄຕລ ແລະ ທ່ານ ບົວລຽນ ພົມມະວົງ
ສາ ຜູ້ອຳນວຍການໃຫຍ່ ທພລ ລວມທັງພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ນີ້ເປັນບາດກ້າວສຳຄັນທີ່ຈະຊ່ວຍຍົກລະດັບການພັດທະນາບໍລິການ ບັດເອທີເອັມຂອງສອງທະນາຄານ, ໂດຍສະເພາະ
ແມ່ນທະນາຄານພັດທະນາລາວ ສາມາດນຳໃຊ້ຕູ້ເອທີເອັມຮ່ວມກັບທະນາຄານອື່ນ ທີ່ໄດ້ເປີດເຊື່ອມໂຍງກັບທະນາຄານ
ການຄ້າຕ່າງປະເທດລາວມະຫາຊົນໄປກ່ອນໜ້າແລ້ວຄື: ທະນາຄານສົ່ງເສີມກະສິກຳ ແລະ ທະນາຄານຮ່ວມທຸລະກິດ
ລາວ-ຫວຽດ.
ທ່ານ ວັນຄຳ ວໍຣະວົງ ກ່າວວ່າ: ນີ້ຈະສາມາດຕອບສະໜອງຄວາມເພິ່ງພໍໃຈ ແລະ ອຳນວຍຄວາມສະດວກໃຫ້ແກ່ລູກຄ້າ
ສອດຄ່ອງກັບລະດັບການພັດທະນາ ແລະ ຄວາມກ້າໜ້າທາງດ້ານເຕັກໂນໂລຊີໃນສະໄໝໃໝ່, ປະຈຸບັນລູກຄ້າທີ່ນຳໃຊ້
ບັດເອທີເອັມ 3,75 ແສນບັດ ກວມຕະຫຼາດບັດຫຼາຍທີ່ສຸດໃນລາວ ແລະ ຈະບໍ່ຢຸດການເຊື່ອມໂຍງຍັງຈະສືບຕໍ່ຂະຫຍາຍ
ກັບບັນດາທະນາຄານທີ່ຍັງເຫຼືອປະມານ 4 ທະນາຄານຄືຮ່ວມພັດທະນາລາວ, ເອັສທີແບັງ, ອິນໂດໄຊນາ, ລາວ-ຝຣັ່ງ ທີ່
ໄດ້ເຊັນເອັມໂອຢູໄວ້ແລ້ວ ຫາກສຳເລັດຈະກວມເອົາ 90% ຂອງລະບົບຕູ້ເອທີເອັມພາຍໃນປະເທດ.
ແຫລ່ງຂ່າວ: ເສດຖະກິດ – ສັງຄົມ