spot_img
Homeຂ່າວພາຍ​ໃນທ່ານ ສົມສະຫວາດ ເລັ່ງສະຫວັດ ຊີ້ນຳຫລາຍວຽກໃຫ້ຂະແໜງພະລັງງານ-ບໍ່ແຮ່ ສືບຕໍ່ແກ້ໄຂ

ທ່ານ ສົມສະຫວາດ ເລັ່ງສະຫວັດ ຊີ້ນຳຫລາຍວຽກໃຫ້ຂະແໜງພະລັງງານ-ບໍ່ແຮ່ ສືບຕໍ່ແກ້ໄຂ

Published on

 

ໃນໂອກາດລົງຊີ້ນຳວຽກງານຢູ່ກະຊວງພະລັງງານ ແລະ ບໍ່ແຮ່ຂອງ ທ່ານຮອງນາຍົກລັດຖະມົນຕີ ສົມສະຫວາດ

ເລັ່ງສະຫວັດ ໃນວັນທີ 3 ຕຸລາຜ່ານມານີ້, ທ່ານຮອງນາຍົກໄດ້ເນັ້ນຫລາຍບັນໃຫ້ຄະນະນຳກະຊວງດັ່ງກ່າວສືບຕໍ່

ແກ້ໄຂ, ໂດຍສະເພາະການພັດທະນາດ້ານພະລັງງານ ແລະ ບໍ່ແຮ່ ຕ້ອງໃຫ້ຕິດພັນກັບຜົນປະໂຫຍດສູງສຸດຂອງ

ຊາດ, ພ້ອມທັງຮັບປະກັນການຮັກສາສະພາບແວດລ້ອມ – ສັງຄົມໃຫ້ຍືນຍົງ.

 

ໃນໂອກາດນີ້, ທ່ານລັດຖະມົນຕີວ່າການ ກະຊວງພະລັງງານ ແລະ ບໍ່ແຮ່ ດຣ ສຸລິວົງ ດາລາວົງ ລາຍງານໃຫ້ຮູ້ວ່າ

ລວມຍອດມູນຄ່າການຜະລິດຂອງ ຂະແໜງການພະລັງງານ ແລະ ບໍ່ແຮ່ ໃນສົກປີ 2013-2014 ປະຕິບັດໄດ້

18.653 ຕື້ກີບ, ທຽບໃສ່ສົກປີກ່ອນແມ່ນຫລຸດລົງປະມານ 3,38%, ໃນນັ້ນໄຟຟ້າເພີ່ມຂຶ້ນ 10,44%, ບໍ່ແຮ່ 8,88%

ສາເຫດ ແມ່ນຍ້ອນລາຄາແຮ່ທາດຢູ່ຕະຫລາດໂລກມີທ່າອ່ຽງຫລຸດລົງ, ສະນັ້ນບໍລິສັດລ້ານຊ້າງຈຶ່ງໄດ້ຢຸດການຂຸດ

ຄົ້ນຄຳ, ພ້ອມນັ້ນ ຖ່ານຫີນວຽງພູຄາ ໄດ້ຢຸດກິດຈະການຍ້ອນໝົດສັນຍາ ແລະ ບັນຫາອື່ນໆຈຶ່ງເຮັດໃຫ້ມູນຄ່າການ

ຜະລິດຂອງຂະແໜງບໍ່ແຮ່ບໍ່ສາມາດບັນລຸໄດ້ຕາມແຜນກຳນົດໄວ້, ຂະນະທີ່ການຄາດຄະເນປະກອບສ່ວນໃນລວມ

ຍອດຜະລິດຕະພັນພາຍໃນແຫ່ງຊາດ (GDP) ປະມານ 12% ແລະ ຄາດຄະເນໝົດສົກປີ 2013-2014 ຈະສາມາດສົ່ງ

ອອກກະແສໄຟຟ້າ ແລະ ແຮ່ທາດໄດ້ປະ ມານ 2.189,61 ລ້ານໂດລາສະຫະລັດ.

 

ໂອກາດນີ້, ທ່ານຮອງນາຍົກ ສົມສະຫວາດ ເລັ່ງສະຫວັດ ກໍໄດ້ໃຫ້ກຽດໂອ້ລົມ, ເຊິ່ງກ່ອນອື່ນທ່ານໄດ້ສະແດງຄວາມ

ຍ້ອງຍໍຊົມເຊີຍຕໍ່ບັນດາຜົນງານທີ່ຄະນະນຳ ແລະ ພະນັກງານກະຊວງພະລັງງານ ແລະ ບໍ່ແຮ່ ຍາດມາ ໄດ້ໃນໄລຍະ

ຜ່ານມາ, ຂະນະດຽວກັນກໍໄດ້ເນັ້ນໃຫ້ຄະນະນຳ ແລະ ພະນັກງານກະຊວງດັ່ງກ່າວເອົາໃຈໃສ່ການກະກຽມຄວາມພ້ອມ

ເຂົ້າເປັນປະຊາຄົມເສດຖະກິດອາຊຽນ ຂອງຂະແໜງການພະລັງງານ ໂດຍສະເພາະບັນຫາການຊື້-ຂາຍໄຟຟ້າກັບ

ປະເທດສິງກະໂປ, ການກຳນົດວິໄສທັດຮອດປີ 2030, ຍຸດທະສາດແຕ່ປີ 2016-2020 ຕ້ອງ ໃຫ້ຂະແໜງການພະລັງ

ງານຕົວຢ່າງໃນການຫັນໄປສູ່ອຸດສະຫະກຳທັນສະໄໝ, ນອກຈາກນີ້ ຮອງນາຍົກກໍເນັ້ນໃຫ້ກວດກາຄືນ ການບັນດາ

ຮູບແບບການລົງທຶນ ແລະ ພັດທະນາໃນຂະແໜງການພະລັງງານ ແລະ ບໍ່ແຮ່ ວ່າເໝາະສົມສອດຄ່ອງກັບເງື່ອນໄຂ

ໃນປັດຈຸບັນ ຫລື ບໍ່ ໂດຍສະເພາະກວດກາຄືນກ່ຽວກັບການກໍ່ສ້າງເຂື່ອນຂະໜາດ 15 ເມກາວັດຢູ່ແຕ່ລະແຂວງ

ແມ່ນມີປະສິດທິຜົນ ຫລື ບໍ່ ? ພ້ອມນີ້, ກໍຕ້ອງເອົາໃຈໃສ່ສ້າງຊັບພະຍາກອນມະນຸດໃນຂະແໜງການຂອງຕົນໃຫ້

ຫລາຍ ເນື່ອງຈາກວ່າພາຍຫລັງເຂື່ອນໄຟຟ້າໝົດອາຍຸສຳປະທານ ພວກເຮົາຕ້ອງໄດ້ເປັນຜູ້ຄຸ້ມຄອງເອງທົງໝົດ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ຝູງສິງໂຕລຸມກັດກິນເຈົ້າໜ້າທີ່ສວນສັດຈົນເສຍຊີວິດ ຂະນະທີ່ເພື່ອນຮ່ວມງານເປີດເຜີຍຜູ້ເສຍຊີວິດບໍ່ເຄີຍລະເມີດກົດລະບຽບມາກ່ອນ

ສະຫຼົດ! ຝູງໂຕສິງລຸມກັດກິນເຈົ້າໜ້າທີ່ສວນສັດຈົນເສຍຊີວິດ ທີ່ສວນສັດແຫ່ງໜຶ່ງໃນກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານ ວັນທີ 10 ກັນຍາ 2025 ຜ່ານມາ, ກ່ຽວກັບເຫດການສຸດສະຫຼົດ ເມື່ອເຈົ້າທີ່ດູແລສວນສັດ ຖືກຝູງໂຕສິງລຸມກັດກິນ ຢູ່ສວນສັດຊາຟາລີເວີດ ໃນກຸງເທບມະຫານະຄອນ...

ສະຫະລັດເດືອດ! ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ

ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ ໃນຂະນະຮ່ວມງານໃນມະຫາວິທະຍາໄລ ຍູທາ. ສຳນັກຂ່າວ ບີບີຊີ ລາຍງານ ໃນວັນທີ 11 ກັນຍາ 2025...

ລາວກຽມພ້ອມພັດທະນາ ແບບຈຳລອງປັນຍາປະດິດ ເພື່ອໃຫ້ AI ປະມວນຜົນພາສາລາວໄດ້ຢ່າງຖືກຕ້ອງ

ເພື່ອພັດທະນາກໍ່ສ້າງແບບຈໍາລອງປັນຍາປະດິດຂະໜາດໃຫຍ່ ສໍາລັບ ສປປ ລາວ ແລະ ກໍ່ສ້າງຖານຂໍ້ມູນພາສາລາວໃຫ້ຄົບຖ້ວນ, ຖືກຕ້ອງ, ຊັດເຈນ ແລະ ສາມາດນໍາໃຊ້ເປັນພື້ນຖານສໍາລັບ AI ແລະ ການນໍາໃຊ້ດີຈີຕອນໃນ ສປປ...

ສຶກສາອົບຮົມສາວບໍລິການ ແລະ ເຈົ້າຂອງຮ້ານ ຢູ່ ເມືອງສີໂຄດຕະບອງ ແລະ ເມືອງນາຊາຍທອງ ນະຄອນຫຼວງວຽງຈັນ

ເຈົ້າໜ້າທີ່ລົງກວດກາສຶກສາອົບຮົມສາວບໍລິການ 33 ຄົນ ແລະ ເຈົ້າຂອງຮ້ານ 04 ຄົນ ຢູ່ ບ້ານໜອງແຕ່ງເໜືອ, ບ້ານວຽງຄຳ, ບ້ານດົງນາໂຊກ, ເມືອງສີໂຄດຕະບອງ ແລະ ບ້ານກາງແສນ,...