ສຳນັກຂ່າວຕ່າງປະເທດລາຍງານເມື່ອວັນທີ 27 ພຶດສະພາ 2019 ວ່າ ບໍລິສັດເຟສເອັກຊຶ່ງເປັນບໍລິສັດຂົນສົ່ງຊັ້ນນຳລະດັບໂລກໄດ້ເປີດໂຕນະວັດຕະກຳໃໝ່ຫຼ້າສຸດນັ້ນກໍຄື ແມັກແພັກ ວິກ (Medpak VIoC) ໃນພູມີພາກອາຊີ-ປາຊີຟິກ ຊຶ່ງກໍຄືກ່ອງຮັກສາອຸນຫະພູມກັນຮ້ອນທີ່ມາພ້ອມລະບົບເຊັນເຊີກວດສອບສະຖາການສົ່ງສິນຄ້າ.
ແມັກແພັກ ວິກ ຫຼື ໂຊລູເຊິນຫ່ວງໂສ້ຄວາມເຢັນເປັນເຄື່ອງມືບໍລິການດ້ານໂລຈິສຕິກທີ່ສາມາດຮັກສາລະດັບອຸນຫະພູມຂອງສິນຄ້າລະຫວ່າງຂົນສົ່ງ ຊຶ່ງຖືເປັນນະວັດຕະກຳລຸ້ນໃໝ່ ຫຼ້າສຸດທີ່ມີໃນພູມີພາກອາຊີ-ປາຊີຟິກ ນອກຈາກຈະສາມາດຮັກສາລະດັບອຸນຫະ ພູມໄວ້ໃຫ້ຄົງຢູ່ໃນພາວະປົກກະຕິແລ້ວ ຍັງຊ່ວຍເພີ່ມຄວາມສະດວກສະບາຍ ແລະ ກຸ້ມຄ່າໃນການຂົນສົ່ງວັດສະດຸທີ່ຕ້ອງຄວບຄຸມເລື່ອງອຸນຫະພູມ.
ລາຍງານຂ່າວດຽວກັນລະບຸຕື່ມວ່າ ແມັກແພັກ ວິກ ສາມາດນຳມາໃຊ້ໃໝ່ໄດ້ໂດຍມາພ້ອມກັບຊະນວນສຸນຍາກາດກັນຄວາມຮ້ອນທີ່ຊ່ວຍຫຼຸດການໃຊ້ພະລັງງານ (Vacuum Insulated Panels – VIP) ແລະ ສານປ່ຽນສະຖານະ (Phase Change Material – PCM) ຊຶ່ງຜ່ານການຮັບຮອງມາດຕະຖານບັນຈຸພັນສຳລັບການຂົນສົ່ງ International Safe Transit Association – ISTA 7D ຊຶ່ງສາມາດເກັບຮັກສາຫະພູມໄດ້ດົນເຖິງ 96 ຊົ່ວໂມງ ແລະ ຮອງຮັບທຸກສະຖານະການທີ່ອາດເກີດ ຂຶ້ນໂດຍບໍ່ຄາດຝັນ ຊຶ່ງເໝາະກັບອຸດສາຫະກຳທາງການແພດ (Healthcare) ຊຶ່ງນະວັດຕະກຳດັ່ງກ່າວມາພ້ອມເຕັກໂນໂລຊີ SenseAware ທີ່ມີເຊັນເຊີກວດສອບສະພາບສິນຄ້າທີ່ຢູ່ລະຫວ່າງການຈັດສົ່ງ ລວມທັງແຈ້ງເຕືອນສະພາວະຜິດປົກກະຕິທີ່ຈະສົ່ງ ຜົນກະທົບຕໍ່ສິນຄ້າເຊັ່ນ ອຸນຫະພູມ ຄວາມຊຸ່ມ ແລະ ເຫດການຕ່າງໆທີ່ຢູ່ເໜືອການຄາດເດົາ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: dailynews