Homeຂ່າວທ້ອງຖິ່ນລາວ-ໄທ ຮ່ວມຈັດກິດຈະກຳແລ່ນມາຣາທອນເພື່ອສຸຂະພາບ

ລາວ-ໄທ ຮ່ວມຈັດກິດຈະກຳແລ່ນມາຣາທອນເພື່ອສຸຂະພາບ

Published on

ເມື່ອວັນທີ 26 ພຶດສະພາຜ່ານມາ ເມືອງໝື່ນ ແຂວງວຽງຈັນ ສປປ ລາວ ຮ່ວມກັບເມືອງປາກຊົມ ແຂວງເລີຍ ປະເທດໄທ ຈັດກິດຈະກຳແລ່ນມາຣາທອນເພື່ອສຸຂະພາບເພື່ອສົງເສີມການທ່ອງທ່ຽວ ວິຖີຊີວິດລຸ່ມແມ່ນ້ຳຂອງ ແລະ ແລກປ່ຽນວັດທະນາທຳຮີດຄອງປະເພນີ ພາຍໃຕ້ຫົວຂໍ້ “ເລີ່ມຕົ້ນເມືອງໄທເຂົ້າເສັ້ນໄຊປະເທດລາວ” ພິທີດັ່ງຈັດຂຶ້ນທີ່ສວນສິນປຣີມແຄມຂອງ ບ້ານຫາດເບ້ຍ ເມືອງປາກຊົມ ແຂວງເລີຍ ປະເທດໄທ  ໃຫ້ກຽດເຂົ້າຮ່ວມໂດຍທ່ານຮອງເຈົ້າແຂວງເລີຍ ທ່ານເຈົ້າເມືອງປາກຊົມ ທ່ານ ພອນເທີດ ສຸຫວັດດີ ຄະນະປະຈຳພັກເມືອງ ຮອງເຈົ້າເມືອງໝື່ນ ມີພະນັກງານວິຊາການລາວ-ໄທ ພ້ອມດ້ວຍນັກກິລາເຂົ້າຮ່ວມຫຼາຍກວ່າ 1.000 ຄົນ.

ໂອກາດດັ່ງກ່າວທ່ານເຈົ້າເມືອງປາກຊົມໄດ້ລາຍງານສະພາບລວມຂອງເມືອງປາກຊົມໂດຍຫຍໍ້ ພ້ອມທັງກ່າວຈຸດປະສົງຂອງການຈັດກິດຈະກຳໃນຄັ້ງນີ້ ນຳສະເໜີສະຖານທີ່ທ່ອງທ່ຽວ ອາຫານການກິນ ການດຳລົງຊີວິດຂອງພໍ່ແມ່ປະຊາຊົນໃນເມືອງປາກຊົມ ຈາກນັ້ນທ່ານ ຮອງເຈົ້າເເຂວງເລີຍ ກໍໄດ້ໃຫ້ກຽດກ່າວເປີດງານ ພ້ອມທັງໄດ້ຈູດພຸປ່ອຍຕົວນັກກີລາໃນເວລາ 9:00 ໂມງ ຊຶ່ງມີໄລຍະທາງເລີ່ມແຕ່ສວນສິນປຣີມແຄມຂອງຫາທ່າບັກ ບ້ານຄົກໄຜ່ ເມືອງປາຊົມ ໄລຍະທາງ 7 ກີໂລແມັດ.

ພາຍຫຼັງສຳເລັດກິດຈະກຳໃນຄັ້ງນີ້ ການນຳຈາກແຂວງເລີຍ ພະນັກງານວິຊາການ ນັກທ່ອງທ່ຽວ ພ້ອມດ້ວຍນັກກີລາ ກໍໄດ້ຮ່ວມ ກັນທ່ຽວຊົມສະຖານທີ່ ໄຫວ້ພຣະ ແລະ ອື່ນໆ ໂດຍໄດ້ຮັບການຕ້ອນຮັບຈາກການນຳເມືອງໝື່ນ ອົງການປົກຄອງບ້ານນ້ຳຮີ້ ເຖົ້າແກ່ເເນວໂຮມ ແລະ ພໍ່ແມ່ປະຊາຊົນຢ່າງອົບອຸ່ນ.

 

 

ຂ່າວ: ແຫວນຄຳ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...