ສຳນັກຂ່າວຕ່າງປະເທດລາຍງານເມື່ອວັນທີ 27 ພຶດສະພາ 2019 ໂດຍອ້າງການເປີດເຜີຍຂອງອົງການບໍລິຫານການບິນ ແລະ ອະວະກາດແຫ່ງຊາດ ຫຼື ນາຊາ ສະຫະລັດອາເມຣິກາໄດ້ອອກມາຢັ້ງຢືນວ່າ ມີອຸກາບາດຂະໜາດເທົ່າກັບລົດໃຫຍ່ລູກໜຶ່ງພຸ່ງຜ່ານທ້ອງຟ້າໃນເຂດພື້ນທີ່ແຄມຝັ່ງທາງໃຕ້ຂອງອົດສະຕຣາລີເມື່ອວັນທີ 21 ພຶດສະພາຜ່ານມາກ່ອນຈະລະເບີດກາງອາກາດແລ້ວຕົກລົງທະເລຫ່າງຈາກແຄມຝັ່ງ ເກຣຕ ອົດສະຕຣາລີ ໄບ ປະມານ 300 ກີໂລແມັດ.
ທັງນີ້ ການເປີດເຜີຍຂອງສູນເພື່ອການສຶກສາວັດຖຸໃກ້ໂລກ ຫຼື CNDOS ຂອງນາຊາ ໂດຍອຸກາບາດໜ່ວຍນີ້ໄດ້ເຂົ້າສູ່ຊັ້ນບັນຍາ ກາດໂລກດ້ວຍຄວາມໄວ 11,5 ກີໂລແມັດຕໍ່ວິນາທີຊຶ່ງໄວກວ່າຄວາມໄວສຽງ ແລະ ປົດປ່ອຍພະລັງງານປະມານ 1,6 ກີໂທຕັນທີເອັນທີ ຊຶ່ງທຽບເທົ່າກັບລະເບີດນິວເຄລຍຂະໜາດນ້ອຍຂະນະທີ່ມັນລະເບີດໃນເວລາປະມານ 23:24 ໂມງ (ຕາມເວລາທ້ອງຖິ່ນ).
ຢ່າງໃດກໍຕາມ ສາສະດາຈານ ຟິລ ແບຣນ ຈາກມະຫາວິທະຍາໄລເຄີຣຕິນ ໄດ້ລະບຸວ່າ ອຸກາບາດໜ່ວຍນີ້ລະເບີດຢູ່ໃນລະດັບຄວາມສູງ 31,5 ກີໂລແມັດ ຊຶ່ງຫ່າງໄກກວ່າທີ່ມັນຈະສ້າງຄວາມເສຍຫາຍໃນລະດັບຮຸນແຮງ ຊຶ່ງຕ່າງຈາກອຸກາບາດທີ່ລະເບີດເໜືອແຄວ້ນ ເຊລຢາບິນສ ໂອບລາສ ຂອງຣັດເຊຍເມື່ອປີ 2013 ເຮັດໃຫ້ມີຜູ້ໄດ້ຮັບບາດເຈັບຈາກແຮງລະເບີດຫຼາຍກວ່າ 1.000 ຄົນ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: ໄທຣັດ