ຮູບເງົາເລື່ອງ ປໍຣະສິດ “Parasite” ກຳກັບໂດຍ ບົງ ຮຸນໂຮ ສ້າງປະຫວັດສາດໃຫ້ວົງການຮູບເງົາ ສ.ເກົາຫຼີ ໂດຍຄວ້າໄດ້ລາງວັນປາຣມທອງຄຳ (ຮູບເງົາດີເດັ່ນ) ຄັ້ງທີ 72 ຖືເປັນຮູບເງົາຈາກ ສ.ເກົາຫຼີ ທີ່ຄວ້າລາງວັນສູງສຸດໃນເທສະການເມືອງຄານເປັນຄັ້ງທຳອິດ ໂດຍຜົນການຕັດສິນຂອງຄະນະກຳມະການນາໆຊາດ 9 ທ່ານ.
ຂະນະທີ່ ບົງ ຈຸນໂຮ ຖືເປັນຊາວ ສ.ເກົາຫຼີ ຄົນທຳອິດທີ່ຄວ້າລາງວັນສູງສຸດໃນເທສະການຮູບເງົາເມືອງຄານ ໃນຖານະຜູ້ກຳກັບຮູບເງົາເລື່ອງປໍຣະສິດ ຊຶ່ງເປັນຮູບເງົາຕະຫຼົກ-ສຽດສີສັງຄົມ ຫຼັງຈາກທີ່ກ່ອນໜ້ານີ້ ປາຣກ ຊານວຸກ ເຄີຍຄວ້າລາງວັນ ກຣັງປຣີ ຊຶ່ງເປັນລາງວັນສູງສຸດອັນດບ 2 ຂອງເທສະການຮູບເງົາເມືອງຄານຈາກຮູບເງົາແນວສະຫຍອງຂວັນເລື່ອງ “Old Boy” ເມື່ອປີ 2004.
ໂດຍຜູ້ກຳກັບຄົນເກັ່ງໄດ້ກ່າວວ່າ “ຕົນເອງບໍ່ໄດ້ກຽມຕົວມາກ່ອນສຳລັບການຂຶ້ນມາກ່າວຢູ່ຝຣັ່ງ ແຕ່ຕົນເອງໄດ້ຮັບແຮງບັນດານໃຈຈາກຮູບເງົາຝຣັ່ງຫຼາຍເລື່ອງ ທັງນີ້ ປໍຣະສິດ ຄື ຮູບເງົາຜະຈົນໄພທີ່ໜ້າພິດສະຫວົງສຳລັບຂ້ອຍ” ພ້ອມນີ້ ຈຸນໂຮ ກໍໄດ້ກ່າວຂອບໃຈ ແລະ ຍົກຍ້ອງທີມງານທີ່ຮ່ວມສ້າງຜົນງານນີ້ຮ່ວມກັນ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: ໄທຣັດ