ມາດຕະການຕອບສະໜອງນະໂຍບາຍປາບປາມການສໍ້ລາດບັງຫລວງ ຂອງປະທານາທິບໍດີ ສີ ຈິ້ນ ຜິງ ລ່າສຸດຄື

ການໄລ່ປົດເຈົ້າໜາທີ່ຂອງລັດ ທີ່ຮັບເງິນເດືອນແຕ່ບໍ່ເຮັດວຽກ ຈຳນວນ 162,629 ອັດຕາ.

ສື່ຕ່າງປະເທດລາຍງານ ໃນວັນທີ 7 ຕຸລານີ້ວ່າ ທາງການຈີນໄດ້ເອີ້ນກຸ່ມເຈົ້າໜ້າທີ່ ຜູ້ທີ່ກິນເງິນເດືອນຂອງລັດ ແຕ່

ບໍ່ມາເຮັດວຽກດັ່ງກ່າວນີ້ວ່າ ” ພະນັກງານຜີ ” ໂດຍຜີຈຳນວນແສນກ່ວາອັດຕາທີ່ຖືກປົດ ສ່ວນໃຫຍ່ກວດພົບໃນ

ແຂວງເຫີເປີ່ຍ ເຖິງ 55,793 ຄົນ, ແຂວງເສສວນ 28,466 ຄົນ ແລະ ໃນແຂວງເຫີໜານ ອີກຈຳນວນ 15,022 ຄົນ

ໃນຂະນະທີ່ນະຄອນຫລວງປັກກິ່ງ ພົບເຈົ້າໜ້າທີ່ຜີທີ່ມີຢູ່ໃນສຳນັກງານ ເກີນຄວາມຈຳເປັນເຖິງ 531 ຄົນ ແຕ່ໄລ່

ອອກແລ້ວ 327 ລາຍ ສ່ວນໃນນະຄອນຊຽງໄຮ້ ແລະ ທິເບດ ແມ່ນບໍ່ມີເຈົ້າໜ້າທີ່ຜີແຕ່ປະການໃດ.

ສື່ຂອງໜັງສືພິມປະຊາຊົນ ສຽງຂອງສູນກາງພັກກອມມູນິດຈີນໄດ້ລາຍງານວ່າ ປັນຫາເລື່ອງເຈົ້າໜ້າທີ່ຂອງລັດ

ທີ່ຮັບເງິນເດືອນຈາກງົບປະມານ ແຕ່ບໍ່ເຮັດວຽກ ແມ່ນເປັນບັນຫາໜຶ່ງທີ່ໄດ້ຮັບການລາຍງານຢ່າງຕໍ່ເນື່ອງ.

ນອກຈາກນີ້ ລາຍງານຍັງໄດ້ລະບຸອີກວ່າ ທາງການຈີນໄດ້ບົດທຳລາຍລົດຂອງລັດ ຈຳນວນ 114,418 ຄັນອີກດ້ວຍ

ເຊິ່ງຈົ່ງໄວ້ພຽງແຕ່ສະເພາະຄັນທີ່ໃຊ້ງານໄດ້ພິເສດ ເພື່ອຕັດປັນຫາເລື່ອງຄ່າໃຊ້ຈ່າຍ ຫລັງຖືກຮ້ອງຮຽນມາຫລາຍ

ກ່ຽວກັບການນຳໃຊ້ງົບປະມານຂອງລັດໃນທາງທີ່ບໍ່ຖືກຕ້ອງ.