ເຊຍຣາລີໂອນ ທຳສະຖິຕິໃໝ່ ພົບຜູ້ຕິດເຊື້ອອີໂບລາເສຍຊີວິດມື້ດຽວ 121 ຄົນ ແລະ ຕິດເຊື້ອເພີ່ມອີກ 81 ຄົນ.
ສື່ຕ່າງປະເທດລາຍງານ ໃນວັນທີ 6 ຕຸລານີ້ວ່າ ເຊຍຣາລີໂອນ ບັນທຶກສະຖິຕິການເສຍຊີວິດຂອງຜູ້ຕິດເຊື້ອອີໂບລາ
121 ຄົນພາຍໃນມື້ດຽວ ເຊິ່ງນັບເປັນສະຖິຕິໃໝ່ ນັບຕັ້ງແຕ່ໂລກລະບາດຈາກໄວຣັສດັ່ງກ່າວປະກົດຂຶ້ນເມື່ອ 4 ເດືອນ
ກ່ອນ ເຊິ່ງລັດຖະບານໄດ້ສະແດງສະຖິຕິດ້ານສຸຂະພາບ ເມື່ອວັນທີ 5 ຕຸລາທີ່ຜ່ານມາ.
ໂດຍຕົວເລກດັ່ງກ່າວນີ້ ລວມໄລຍະເວລາຕັ້ງແຕ່ພົບໂລກລະບາດ ຈົນເຖິງວັນເສົາທີ 4 ຕຸລາ 2014 ທີ່ຜ່ານມາ ແມ່ນມີ
ຜູ້ເສຍຊີວິດທັງໝົດ 678 ຄົນ ເພີ່ມຂຶ້ນຈາກ 557 ຄົນ ຈາກ 1 ມື້ກ່ອນໜ້ານັ້ນ ໂດຍສະຖິຕິດັ່ງກ່າວຖືກຮວບຮວມໂດຍ
ສູນປະຕິບັດການສຸກເສີນ ແລະ ຍັງມີລາຍງານພົບຜູ້ຕິດເຊື້ອລາຍໃໝ່ເພີ່ມຂຶ້ນອີກ 81 ຄົນ ໃນມື້ດຽວກັນອີກດ້ວຍ.