ໂວໂລດີມີ ເຊເລນສະກີ ນັກການເມືອງ ທັງເປັນນັກສະແດງຕະຫຼົກຊື່ດັງໄດ້ເຂົ້າພິທີສາບານຕົນຮັບຕຳແໜ່ງປະທານາທິບໍດີຢູເຄຣນຄົນໃໝ່ເມື່ອວັນທີ 20 ພຶດສະພາຜ່ານມາ ທັງນີ້ ເຊເລນສະກີ ໄດ້ຍົກເອົາບັນຫາເລັ່ງດ່ວນກໍຄື ການຍຸຕິຄວາມຂັດແຍ່ງກັບກຸ່ມຕິດອາວຸດຢູ່ທາງພາກຕາເວັນອອກຂອງປະເທດ.
ໂດຍວຽກທຳອິດຂອງ ເຊເລນສະກີ ກໍຄື ບັນລຸຂໍ້ຢຸດຍິງໃນດອນບາສ (ພູມີພາກທາງຕາເວັນອອກຂອງປະເທດຊຶ່ງມີຄວາມຂັດແຍ່ງມາຍາວນານ) ໂດຍປະທານາທິບໍດີຄົນໃໝ່ໄດ້ໃຫ້ຄຳສັນຍາວ່າ ເລື່ອງທຳອິດທີ່ຈະປະຕິບັດກໍຄື ຈະກວດລ້າງບັນຫາສໍ້ລາດບັງຫຼວງ.
ໂວໂລດີມີ ເຊເລນສະກີ ຕ້ອງຈັດການກັບບັນຫາຮ້າຍແຮງອີກຫຼາຍຢ່າງທີ່ປະເທດກຳລັງຜະເຊີນຢູ່ໃນຂະນະນີ້ ໂດຍສະເພາະບັນຫາການສໍ້ລາດບັງຫຼວງ ປະເດັນການຫາສຽງ ແລະ ການຈັດຊື້ຂອງກອງທັບໃຫ້ມີຄວາມໂປ່ງໃສທີ່ສຸດ ແຕ່ສິ່ງທີ່ທ້າຍທາຍທີ່ສຸດສຳລັບ ເຊເລນສະກີ ກໍຄືເລື່ອງຄວາມຂັດແຍ່ງກັບກຸ່ມຕິດອາວຸດ ຊຶ່ງການຕໍ່ສູ້ໃນພູມີພາກດັ່ງກ່າວເຮັດໃຫ້ມີຜູ້ເສຍຊີວິດແລ້ວຢ່າງໜ້ອຍ 13.000 ຄົນ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ:AFP