spot_img
Homeຂ່າວຕ່າງປະເທດຣາຊິນີແຫ່ງອັງກິດປະກາດຮັບສະໝັກເຈົ້າໜ້າທີ່ໂຊຊຽວມີເດຍ

ຣາຊິນີແຫ່ງອັງກິດປະກາດຮັບສະໝັກເຈົ້າໜ້າທີ່ໂຊຊຽວມີເດຍ

Published on

ສຳນັກຂ່າວຕ່າງປະເທດລາຍງານເມື່ອວັນທີ 18 ພຶດສະພາຜ່ານມາວ່າ ເຖິງບັນດາທ່ານທີ່ສົນໃຈຕິດຕາມຂ່າວສານຂອງຣາຊະວົງອັງກິດ ລວມເຖິງມີຄວາມຊ່ຽວຊານໃນການນຳໃຊ້ໂຊຊຽວມີເດຍທີ່ຫຼາກຫຼາຍ ໂດຍສະເພາະທະວິດເຕີ ແລະ ອິນສະຕຣາແກຣມ ທ່ານອາດໂຊກດີໄດ້ເຂົ້າມາເປັນສ່ວນໜຶ່ງຂອງທີມສື່ສານໃນຣາຊະວົງອັງກິດ ເມື່ອເວັບໄຊຂອງສຳນັກພຣະຣາຊະວັງອັງກິດໄດ້ປະກາດຮັບສະໝັກເຈົ້າໜ້າທີ່ໃນຕຳແໜ່ງສື່ສານດິຈິຕອລ ເພື່ອຮັກສາສະຖານະ ແລະ ພາບພົດຂອງສົມເດັດພຣະຣາຊິນີໃນສາຍຕາສາທາ ລະນະ ແລະ ເວທີໂລກ.

ລາຍງານຂ່າວດຽວກັນລະບຸຕື່ມວ່າ ວຽກດັ່ງກ່າວແມ່ນເປັນວຽກປະຈຳ ແລະ ຈະໄດ້ຮັບເງິນເດືອນເລີ່ມຕົ້ນທີ່ 30.000 ປອນ (ສະກຸນເງິນອັງກິດ) ຫຼື ຂຶ້ນຢູ່ກັບປະສົບການຂອງຜູ້ກ່ຽວ ຊຶ່ງຜູ້ທີ່ຜ່ານການຄັດເລືອກຈະໄດ້ຮັບສະຫວັດດີການທີ່ຄວບຄຸມຫຼາຍຢ່າງ ລວມທັງສິດສຳລັບພັກປະຈຳປີໄດ້ເຖິງ 33 ວັນຕໍ່ປີ ອາຫານທ່ຽງຟຣີ ແລະ ສະຖານທີ່ເຮັດວຽກກໍຢູ່ໃນພຣະຣາຊະວັງບັກກິງແຮມອີກດ້ວຍ.

ທັງນີ້ ຣາຊະວົງອັງກິດຖືເປັນພຣະຣາຊະວົງທີ່ປັບຕົວເຂົ້າສູ່ໂລກສະໄໝໃໝ່ໄດ້ເປັນຢ່າງດີ ໂດຍສົມເດັດພຣະຣາຊິນີໄດ້ໂພສຂໍ້ຄວາມຜ່ານອິນສະຕຣາແກຣມ theroyalfamily ເປັນຄັ້ງທຳອິດເມື່ອເດືອນມີນາ 2019 ທີ່ຜ່ານມາໂດຍມີໃຈຄວາມວ່າ “ຂ້າພະເຈົ້າໄດ້ໄປຢ້ຽມຢາມພິພິທະພັນວິທະຍາສາດ ຂ້າພະເຈົ້າຮູ້ສຶກສົນໃຈຈົດໝາຍຊຶ່ງຂຽນໂດຍເຈົ້າຊາຍ ອັລເບີດ ເມື່ອປີ 1843 ຊຶ່ງເປັນບັນພະບຸລຸດຂອງຂ້າພະເຈົ້າເອງ ໂດຍມີບົດຄວາມບາງຕອນໃນຂໍ້ຄວາມທີ່ຊົງຂຽນຜ່ານໄອແພັດ (iPad).

ຣາຊະວົງອັງກິດມີຜູ້ຕິດຕາມຜ່ານໂຊຊຽວມີເດຍຫຼາຍລ້ານຄົນ ທັງໃນບັນຊີອິນສະຕຣາ ແກຣມ ເຟສບຸ໊ກ ແລະ ທະວິດເຕີ ຊຶ່ງຈຳນວນນີ້ລວມເຖິງບັນຊີຂອງ ດະຍຸກ ແລະ ດັຊເຊສ ແຫ່ງເຄມບຣິດ ດະຍຸກ ແລະ ດັຊເຊສແຫ່ງຊັສເຊກ ມູນນິທິໃນພຣະອຸປະຖຳ ແລະ ບັນຊີແຄລເຣນເຮົາຂອງເຈົ້າຟ້າຊາຍຊາລສ.

ຂະນະທີ່ເມື່ອທ້າຍເດືອນເມສາຜ່ານມາ ສຳນັກພຣະຣາຊະວັງຕ້ອງຮັບມືກັບບັນດາຄວາມຄິດເຫັນທີ່ບໍ່ເໝາະສົມຜ່ານໂລກໂຊຊຽວມີເດຍຫຼາຍຄັ້ງ ຈິ່ງເຮັດໃຫ້ສຳນັກພຣະຣາຊະວັງຕ້ອງປະກາດກົດເກນຊຸດໃໝ່ເຖິງວິທີການຮັບມືກັບຂໍ້ຄວາໝິ່ນປະໝາດໃນຮູບແບບຕ່າງໆ ທັງການບລ໋ອກ ກົດເຊື່ອງ ລຶບຖິ້ມ ຫຼື ອາດນຳຂໍ້ຄວາມໄປແຈ້ງຕໍ່ເຈົ້າໜ້າທີ່ຕຳຫຼວດເພື່ອດຳເນີນຄະດີຕາມກົດໝາຍ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ:  posttoday

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...