ເຈົ້າໜ້າທີ່ໜ່ວຍງານສະກັດກັ້ນ ແລະ ປາບປາມຢາເສບຕິດກອງບັນຊາການ ປກສ ເມືອງທຸລະຄົມ ແຂວງວຽງຈັນ ສາມາດຈັບກຸ່ມແກ້ງຄ້າ-ຂາຍຢາເສບຕິດ 6 ຄົນປະກອບມີ ທ້າວ ຈອມແກ້ວ ອາຍຸ 37 ປີ ອາຊີບກຳມະກອນ ຢູ່ບ້ານເວີນສານ ເມືອງວຽງຄຳ ແຂວງວຽງຈັນ ທ້າວ ຂັນໄຊ ອາຍຸ 32 ປີ ອາຊີບກະມະກອນ ຢູ່ບ້ານເກິນກາງ ເມືອງທຸລະຄົມ ແຂວງວຽງຈັນ ທ້າວ ນ້ອຍ ອາຍຸ 59 ປີ ຢູ່ບ້ານດົງ ເມືອງທຸລະຄົມ ແຂວງວຽງຈັນ ທ້າວ ຕຸ້ຍ ອາຍຸ 32 ປີ ຢູ່ບ້ານດົງ ເມືອງທຸລະຄົມ ແຂວງວຽງຈັນ ທ້າວ ບົວວັນ ອາຍຸ 35 ປີ ຢູ່ບ້ານໂພນໝີເໜືອ ເມືອງວຽງຄຳ ແຂວງວຽງຈັນ ແລະ ທ້າວ ໄຊສະຫວາດ ອາຍຸ 16 ປີ ຢູ່ບ້ານນາເຄືອ ເມືອງວຽງຄຳ ແຂວງວຽງຈັນ ພ້ອມທັງຢຶດຂອງກາງປະເພດຢາບ້າໄດ້ 4.040 ເມັດ ແລະ ໂທລະສັບມືຖື 10 ໝ່ວຍ ລວມມູນຄ່າ 40.850.000 ກີບ.
ຜ່ານການສືບສວນ-ສືບສວນຂອງເຈົ້າໜ້າທີ່ ເຫັນວ່າແຕ່ລະຄົນແມ່ນມີຄວາມຜິດຂໍ້ຫາຄ້າ-ຂາຍຢາເສບຕິດປະເພດຢາບ້າແທ້ ຊຶ່ງຜິດຕໍ່ລະບຽບກົດໝາຍຍາແຫ່ງ ມາດຕາ 75 ມາດຕາ 76 ແລະ ມາຕາ 142 ດັ່ງນັ້ນ ທາງໜ່ວຍງານ ປກສ ຈິ່ງໄດ້ນຳສົ່ງຜູ້ຕ້ອງຫາ ແລະ ຂອງກາງ ພ້ອມຂໍ້ມູນຕ່າງໆນຳສົ່ງໃຫ້ພະແນກສະກັດກັ້ນ ແລະ ປາບປາມຢາເສບຕິດ ກອງບັນຊາການ ປກສ ແຂວງວຽງຈັນ ເພື່ອສືບຕໍ່ດຳເນີນຄະດີຕາມລະບຽບກົດໝາຍຕໍ່ໄປ.
ຂ່າວ: ຈັນສະໝອນ ຊາມຸນຕີ (ແຂວງວຽງຈັນ)
ແຫຼ່ງຂໍ້ມູນ ແລະ ຮູບພາບ: ປກສ ເມືອງທຸລະຄົມ ແຂວງວຽງຈັນ