ສຳນັກຂ່າວຕ່່າງປະເທດລາຍງານຈາກນະຄອນຫຼວງໄທເປ ສາທາລະນະລັດຈີນ (ໄຕ້ຫວັນ) ເມື່ອວັນທີ 17 ພຶດສະພາວ່າ ສະພານິຕິບັດຢັດຂອງໄຕ້ຫວັນມີມະຕິສຽງສ່ວນຫຼາຍ (66-27 ສຽງ) ໃຫ້ຮັບຮອງຮ່າງກົດໝາຍການຈົດທະບຽນສົມລົດຂອງຄູ່ຮັກເພດດຽວກັນ ໂດຍໄດ້ລະບຸເຖິງການປ່ຽນແປງສະຖານະພາບຂອງຄູ່ຮັກເພດດຽວກັນໃນຖານະ “ຄູ່ຊີວິດຖາວອນແບບພິເສດ” ເປັນ “ຄູ່ຮັກທີ່ສາມາດແຕ່ງດອງກັນໄດ້ຖືກຕ້ອງຕາມກົດໝາຍ”.
ທັງນີ້ ໄຕ້ຫວັນຖືເປັນປະເທດທຳອິດໃນທະວີບອາຊີທີ່ອະນຸມັດຜ່ານຮ່າງກົດໝາຍດັ່ງກ່າວ ແລະ ຍັງຖືເປັນຄວາມສຳເລັດຄັ້ງສຳຄັນຂອງກຸ່ມອະນຸຮັກຄວາມຫຼາກຫຼາຍທາງເພດໃນໄຕ້ຫວັນທີ່ໄດ້ເຄື່ອນໄຫວມາຫຼາຍປີ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: AFP