ເກາະບາຕາເນສໃນປະເທດຟີລິບປີນຖືເປັນເກາະສະຫວັນອີກແຫ່ງໜຶ່ງທີ່ມີທຳມະຊາດສວຍງາມ ແລະ ຫຼາຍຄົນຄົງບໍ່ຄິດວ່າເກາະດັ່ງກ່າວຈະຕັ້ງຢູ່ໃນທະວີບອາຊີ ໂດຍບັນດານັກທ່ອງທ່ຽວທີ່ເຄີຍໄດ້ໄປສຳຜັດຕ່າງກໍເອີ່ຍເປັນສຽງດຽວກັນວ່າ “ເກາະບາຕາເນສປຽບດັ່ງໄດ້ມາເຢືອນດິນແດນໃນປະເທດເອີຣົບເໜືອ ແລະ ຄ້າຍຄືບາງສ່ວນຂອງປະເທດນິວຊີແລນອີກດ້ວຍ”.
ໝູ່ເກາະບາຕາເນສຟັງແລ້ວຫຼາຍໆຄົນອາດຈະຍັງບໍ່ຄຸ້ນຊື່ປານໃດ ເພາະວ່າເປັນໝູ່ເກາະນ້ອຍໆຊຶ່ງມີພຽງທຳມະຊາດທີ່ສວຍງາມຊຶ່ງຂຶ້ນຊື່ວ່າເປັນແຂວງໜຶ່ງຂອງຟີລິບປິນ ໃນນັ້ນ ປະກອບມີໝູ່ເກາະນ້ອຍ-ໃຫຍ່ເຖິງ 10 ເກາະ ໂດຍມີເກາະທີ່ໂດດເດັ່ນຢູ່ 3 ເກາະຄື ເກາະບາຕັນ ເກາະອິຕບາຍັຕ ແລະ ເກາະຊັບຕັງ.
ບາຕາເນສຖືເປັນແຂວງທີ່ມີປະຊາກອນອາໄສຢູ່ໜ້ອຍທີ່ສຸດເມື່ອທຽບກັບແຂວງອື່ນໆຂອງຟີລິບປິນໃນເນື້ອທີ່ທັງໝົດປະມານ 219 ກີໂລຕາແມັດ ໂດຍມີຊົນເຜົ່າດັ່ງເດີມຄື “ຊາວອິວາຕັນ” ຊຶ່ງມີເຊື້ອສາຍມາຈາກຊາວອອສໂຕຣນິຊຽນ ແລະ ທີ່ເປັນສະເໜດຶງ ດູດບັນດານັກທ່ອງທ່ຽວໄດ້ຈຳນວນຫຼາຍນັ້ນກໍຄື ຫາດຊາຍທີ່ສວຍງາມແບບບໍ່ຕ້ອງເຕີມແຕ່ງ ພ້ອມດ້ວຍໝູ່ເກາະນ້ອຍ-ໃຫຍ່ທີ່ຢູ່ ອ້ອມຮອບ ແລະ ອີກໜຶ່ງມົນສະເໜທີ່ບໍ່ຄວນພາດນັ້ນກໍຄື ອາຫານທະເລທີ່ສົດໃໝ່ ແລະ ທີ່ສຳຄັນລາຄາບໍ່ແພງ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: kapook.com