ທາງການຮົງກົງກຽມຂ້າໝູຫຼາຍກວ່າ 6.000 ໂຕໃນຟາມລ້ຽງແຫ່ງໜຶ່ງໃນມົນທົນກວາງຕຸ້ງ ທາງພາກໃຕ້ຂອງຈີນ ພາຍຫຼັງພົບວ່າມີການແຜ່ລະບາດຂອງພະຍາດອະຫິວາໝູອາຟຣິກາ (ASF) ຊຶ່ງຖືເປັນການພົບການລະບາດຄັ້ງທຳອິດຢູ່ຮົງກົງ.

ທັງນີ້ ລັດຖະບານ ສປ ຈີນ ກໍໄດ້ພະຍາຍາມຢ່າງໜັກໃນການຄວບຄຸມສະຖານະການແຜ່ລະບາດຂອງເຊື້ອຊຶ່ງແຜ່ກະຈາຍໄປແລ້ວ 23 ມົນທົນ ນອກນີ້ ຍັງພົບການແຜ່ລະບາດຂ້າມພົມແດນມາເຖິງພື້ນທີ່ບາງເຂດຂອງ ຫວຽດນາມ ລາວ ໄທ ແລະ ກຳປູເຈຍ ພ້ອມນີ້ ກໍພົບການແຜ່ລະບາດໄປເຖິງບາງເຂດໃນທະວີບເອີຣົບເຊັ່ນ ຣັດເຊຍ ເຢຍລະມັນ ແລະ ເດັນມາກ.

ເຖິງແມ່ນວ່າພະຍາດ ASF ຈະຍັງເປັນພະຍາດທີ່ຍັງບໍ່ທັນມີຄວາມສ່ຽງຕໍ່ມະນຸດ ແຕ່ມັນກໍອາດສົ່ງຜົນກະທົບຢ່າງໜັກເຖິງອຸດສາ ຫະກຳຊີ້ນໝູໃນພູມີພາກ ຍິ່ງໄປກວ່ານັ້ນຍັງບໍ່ມີວັກຊີນຊະນິດໃດທີ່ສາມາດປ້ອງກັນພະຍາດອະຫິວາ ASF ໄດ້ເທື່ອ.

ຮຽບຮຽງ: ສະຫະລັດ ວອນທິວົງໄຊ 

ຮູບພາບ: Getty Images