ກາຍເປັນຂ່າວຊ່າລືເທິງໂລກອອນລາຍຢ່າງໄວວາ ເມື່ອສານສູງສຸດຂອງນະຄອນຫຼວງລອນດອນໄດ້ສັ່ງຫ້າມອະດີດນັກເຕະບານຊື່ດັງຊາວອັງກິດ “ເດວິດ ເບັກແຄມ” ໄວ 43 ປີ ບໍ່ໃຫ້ຂັບຂີ່ລົດເປັນເວລາ 6 ເດືອນຈາກກໍລະນີທີ່ມີຄົນຕາດີແນມເຫັນ ເດວິດ ໃຊ້ໂທລະສັບມືຖືຂະນະຂັບລົດໃນນະຄອນຫຼວງລອນດອນ ຊຶ່ງເຫດການດັ່ງກ່າວເກີດຂຶ້ນເມື່ອວັນທີ 21 ພະຈິກ 2018 ທີ່ຜ່ານມາ.

ໂດຍເຈົ້າໜ້າທີ່ສານໄດ້ເພີ່ມຄະແນນການກະທຳຜິດໃຫ້ ເດວິດ ຕື່ມອີກ 6 ຄະແນນລົງໃນໃບອະນຸຍາດຂັບຂີ່ຂອງເຂົາ ແລະ ເມື່ອ ບວກກັບອີກ 6 ຄະແນນທີ່ກະທຳຜິດກ່ອນໜ້ານີ້ຈາກກໍລະນີຂັບລົດໄວເກີນກຳນົດ ດັ່ງນັ້ນ ສານສູງສຸດຂອງນະຄອນຫຼວງລອນ ດອນຈິ່ງສັ່ງລົງໂທດອະດີດນັກເຕະບານຊື່ດັງ ດ້ວຍການຫ້າມບໍ່ໃຫ້ ເດວິດ ຂັບລົດເປັນເວລາ 6 ເດືອນນັບຈາກນີ້.

ຮຽບຮຽງ: ສະຫະລັດ ວອນທິວົງໄຊ

ຮູບພາບ: ໄທຣັດ