ງານຕະຫລາດນັດແຮງງານຄັ້ງ 8 ຈັດຂຶ້ນ ໃນວັນທີ 10 ພຶດສະພານີ້ ທີ່ຄະນະວິສະວະກຳສາດໂດຍມີ 30 ກວ່າບໍລິສັດເຂົ້າຮ່ວມ ເພື່ອເປີດໂອກາດໃຫ້ແກ່ນັກຮຽນ-ນັກສຶກສາໃນການສ້າງວຽກເຮັດງານທຳທີ່ໝັ້ນຄົງໃນອະນາຄົດ ພ້ອມທັງເປັນການໄດ້ພົບປະ ແລະ ແລກປ່ຽນກັບຜູ້ປະກອບການແຕ່ລະບໍລິສັດ.
ງານດຕະຫລາດນັດແຮງງານຄັ້ງ ໄດ້ສ້າງໂອກາດໃຫ້ແກ່ນັກສຶກສາໄດ້ພົບປະກັບບັນດາຜູ້ປະກອບການ ແລະ ບັນດາຫົວໜ່ວຍທຸລະກິດໄດ້ມີການແລກປ່ຽນແນວຄວາມຄິດເຊິ່ງກັນ ແລະ ກັນ ນອກຈາກນັ້ນ, ບັນດາບໍລິສັດຕ່າງໆຍັງໄດ້ມີໂອກາດຊອກຫາເພື່ອນຮ່ວມງານທີ່ຖືກຕ້ອງກັບຄວາມຕ້ອງການຂອງໜ້າວຽກເພື່ອພັດທະນາທຸລະກິດຂອງເຂົາເຈົ້າ ເຊິ່ງໃນນັ້ນ, ຍັງເປັນການສ້າງສາຍສຳພັນທີ່ດີລະຫວ່າງບໍລິສັດຕ່າງໆ ແລະ ມະຫາວິທະຍາໄລແຫ່ງຊາດ, ໂຮງຮຽນເພື່ອສາມາດຕອບສະໜອງແຮງງານໃຫ້ຖືກຕາມຄວາມຕ້ອງການຂອງຕະຫລາດແຮງງານໃນອະນາຄົດ ພ້ອມທັງເປັນການເອື້ອຍອຳນວຍຄວາມສະດວກໃນການຊອກວຽກເຮັດງານທຳທີ່ຫລາກຫລາຍໃຫ້ບັນດານັກສຶກສາ
ສຳລັບງານຕະຫລາດນັດແຮງງານຄັ້ງທີ 8 ໄດ້ຮັບການຮ່ວມມືຈາກ 3 ພາກສ່ວນຄື: ມະຫາວິທະຍາໄລແຫ່ງຊາດລາວ, ສະພາການຄ້າ ແລະ ອຸດສາຫະກຳແຫ່ງຊາດລາວ, ສະພາການຄ້າ ແລະ ອຸດສາຫະກຳອີຢູ.
ຂຽນໂດຍ: ບຸນມີ ບຸນມີໄຊ