ໃນ​ວັນ​ທີ 10 ພຶດສະພາ 2019 ນີ້ ທີ່​ນະ​ຄອນ​ຫລວງວຽງ​ຈັນ ກະຊວງກະສິກໍາແຫ່ງສະຫະລັດອາເມລິກາ (USDA) ໄດ້ລໍາລຽງເຂົ້າສານຈ້າວ, ໝາກຖົ່ວ ແລະ ນ້ຳມັນພືດ ມາຮອດສາງເກັບອາຫານຂອງອົງການອາຫານໂລກ ປະຈໍາ ສປປ ລາວ ທີ່ນະຄອນຫຼວງວຽງຈັນເປັນທີ່ຮຽບຮ້ອຍ, ເປັນກຽດຮັບໂດຍ ພະນະທ່ານ ນາງ ຣີນາ ບິທເທີ, ເອກອັກຄະລາຊທູດ ສະຫະລັດອາເມລິກາ ປະຈໍາ ສປປ ລາວ ເພື່ອ​ນຳ​ໄປ​ຊ່ວຍ​ເຫລືອ​ເປັນ​ອາ​ຫານ​ທ່ຽງໃຫ້​ໂຮງ​ຮຽນ​​ທີ່​ຢູ່​ເຂດ​ທຸ​ລະ​ການ​ດານ​ໃນ 8 ແຂວງ ຂອງ​ ສ​ປ​ປ ລາວ.

ການ​ຊ່ວຍ​ເຫລືອ​ຄັ້ງ​ນີ້​ປະ​ກອບ​ມີ: ເຂົ້າສານຈ້າວຈໍານວນ 2,200 ໂຕນ, ໝາກຖົ່ວ 660 ໂຕນ ແລະ ນ້ຳມັນພືດ 260 ໂຕນ. ສຳ​ລັບ​ໂຄງ​ການ​ຊ່ວຍ​ເຫລືອ​ດັ່ງ​ກ່​າ​ວ​ໄດ້ນັບແຕ່ປີ 2008, ​ພາຍ​ໃຕ້ໂຄງການ ແມັກໂກລວັນໂດ ອາຫານເພື່ອໂພຊະນາການຂອງລັດຖະບານສະຫະລັດອາເມລິກາໄດ້ໃຫ້ ການສະໜັບສະໜູນໂຄງການອາຫານທ່ຽງໃນໂຮງຮຽນ ໃນປະເທດລາວ ເຊິ່ງລວມມູນຄ່າຫຼາຍກວ່າ 60 ລ້ານໂດລາສະຫະລັດ.

ຂຽນໂດຍ: ບຸນມີ ບຸນມີໄຊ