ສະຖານີຕຳຫຼວດເຂດ 19 ໃນນະຄອນປາຣີ ປະເທດຝຣັ່ງສັ່ງອົບພະຍົບເຈົ້າໜ້າທີ່ ແລະ ພົນລະເມືອງອອກນອກເຂດດັ່ງກ່າວ ເນື່ອງຈາກຖືກບຸກລຸກຈາກກອງທັບເຫັບ-ໝັດຢ່າງໜັກ ຊຶ່ງໄດ້ຕິດປ້າຍປະກາດໂດຍມີເນື້ອໃນລະບຸວ່າ “ສະຖານີຕຳຫຼວດປິດຈົນກວ່າຈະມີການແຈ້ງການເປີດນຳໃຊ້”.
ສະຖານີຕຳຫຼວດເຂດດັ່ງກ່າວຖືກຮຸກຮານຈາກແມງດູດເລືອດ (ເຫັບ-ໝັດ) ຂະນະທີ່ສະຖານີວິທະຍຸ ຟຣານ ບລູ ປາຣີ ກໍໄດ້ລາຍງານວ່າ ບັນຫາກອງທັບເຫັບ-ໝັດບຸກລຸກແມ່ນເລີ່ມມາແຕ່ 3 ອາທິດກ່ອນ ເຖິງແມ່ນວ່າເຈົ້າໜ້າທີ່ກ່ຽວຂ້ອງຈະພະຍາຍາມກຳຈັດພວກມັນແລ້ວຫຼາຍຄັ້ງແຕ່ກໍບໍ່ປະສົບຄວາມສຳເລັດ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: ໄທຣັດ