ປະທານາທິບໍດີ ໂດນັລ ທຣັມ ແຫ່ງສະຫະລັດອາເມຣິກາ ມອບຫຼຽນແຫ່ງເສລີພາບ ຊຶ່ງຖືເປັນລາງວັນອັນຊົງກຽດທີ່ສຸດສຳລັບພົນລະເມືອງຊາວອາເມຣິກາ ໂດຍມອບໃຫ້ກັບສຸດຍອດນັກກີລາກ໋ອຟຊຶ່ງປັດຈຸບັນເປັນມືວາງອັນດັບ 4 ຂອງໂລກ ນັ້ນກໍຄື ໄທເກີ ວູດສ ລູກຊອດອາເມຣິກາ-ໄທ ອາຍຸ 43 ປີ ຊຶ່ງຖືເປັນບຸກຄົນທີ່ອາຍຸນ້ອຍທີ່ສຸດທີ່ໄດ້ຮັບລາງວັນດັ່ງກ່າວ.
ຫຼັງຈາກທີ່ ໄທເກີ ວູດສ ປະສົບຄວາມສຳເລັດໃນຮອບ 11 ປີທີ່ສາມາດຄວ້າແຊ໋ມລາຍການ ມາສເຕີ ທົວນາເມັນ ມາແລ້ວຫຼາຍລາຍການ ລວມເຖິງການກັບມາຄອງຄວາມຍິ່ງໃຫຍ່ໄດ້ອີກຄັ້ງໃນອາຊີບນັກກ໋ອຟ ພ້ອມນີ້ ທ່ານ ທຣັມ ກໍໄດ້ຍົກຍ້ອງ ໄທເກີ ວູດສ ວ່າ “ເປັນຕຳນານທີ່ແທ້ຈິງ”.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: ໄທຣັດ