ລັດຖະບານການາດາເປີດເຜີຍ ຈະຮັບຜິດຊອບຄ່າໃຊ້ຈ່າຍທັງໝົດກ່ຽວກັບການຂົນຕູ້ຄອນເທນເນີທີ່ບັນຈຸຂີ້ເຫຍື້ອບາງສ່ວນທີ່ເຄີຍນຳມາຖິ້ມໄວ້ຢູ່ຟີລິບປິນເມື່ອປະມານ 5-6 ປີກ່ອນກັບປະເທດໂດຍບໍ່ມີເງື່ອນໄຂ ຫຼັງຈາກທີ່ປະທານາທິບໍດີ ໂຣດຣິໂກ ດູເຕຣເຕ ໄດ້ປະກາດສົງຄາມຂີ້ເຫຍື້ອ.
ສຳນັກຂ່າວຕ່າງປະເທດໄດ້ລາຍງານຈາກນະຄອນຫຼວງມະນິລາ ປະເທດຟີລິບປິນວ່າ ທ່ານ ຊັລວາດໍຣ ປາເນໂລ ໂຄສົກປະຈຳທຳນຽບມາລາກັນໄດ້ຖະແຫຼງກ່ຽວກັບການໄດ້ຮັບແຈ້ງຈາກກະຊວງການຕ່າງປະເທດ ແລະ ກະຊວງສິ່ງແວດລ້ອມ ແລະຊັບພະຍາ ກອນທຳມະຊາດຂອງການາດາວ່າ “ລັດຖະບານການາດາຈະເປັນຜູ້ຮັບຜິດຊອບຄ່າໃຊ້ຈ່າຍທັງໝົດໃນການຂົນສົ່ງຕູ້ຄອນເທນເນີທີ່ບັນຈຸຂີ້ເຫຍື້ອ ຊຶ່ງລວມເຖິງຂີ້ເຫຍື້ອອັນຕະລາຍທີ່ຖືກລັກລອບສົ່ງເຂົ້າມາປະເທດຟີລິບປິນເມື່ອລະຫວ່າງປີ 2013-2014”.
ທັງນີ້ ລັດຖະບານຂອງຟີລິບປິນໄດ້ກຳນົດເວລາສຳລັບການຂົນຕູ້ຄອນເທນເນີຂີ້ເຫຍື້ອດັ່ງກ່າວບໍ່ໃຫ້ກາຍວັນທີ 15 ພຶດສະພາ 2019 ນີ້ ຖ້າຫາກກາຍກຳນົດດັ່ງກ່າວທາງລັດຖະບານຟີລິບປິນຈະມີມາດຕະການອື່ນ ແຕ່ກໍຍັງບໍ່ທັນປະກາດກ່ຽວກັບລາຍລະອຽດຂອງມາດຕະການດ່ັ່ງກ່າວ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: Getty Images