spot_img
Homeຂ່າວພາຍ​ໃນກຽມສະຫຼອງວັນວິສາຂະບູຊາໃຫຍ່ ປະຈຳປີ 2019

ກຽມສະຫຼອງວັນວິສາຂະບູຊາໃຫຍ່ ປະຈຳປີ 2019

Published on

ສູນກາງອົງການພຸດທະສາສະໜາສໍາພັນແຫ່ງ ສປປ ລາວ ແລະ ສູນກາງແນວລາວສ້າງຊາດ ກຽມຈັດງານສະເຫຼີມສະຫຼອງວັນວິສາຂະບູຊາໃຫຍ່ ປະຈໍາປີພຸດທະສັກກະລາດ 2562 ລະຫວ່າງວັນທີ 16-18 ພຶດສະພາ 2019 ທີ່ເດີ່ນພະທາດຫຼວງ.

 ພິທີຖະແຫຼງຂ່າວກຽມສະເຫຼີມສະຫຼອງວັນວິສາຂະບູຊາ ປະຈໍາປີ ຈັດຂື້ນເມື່ອວັນທີ 7 ພຶດສະພາ 2019 ໂດຍພຣະອາຈານໃຫຍ່ ດໍາຣົງ ພິມມະຈັກ ຄະນະບໍລິຫານງານປະຈໍາການສູນກາງ ອພສ ມີທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ ຜູ້​ຊີ້​ນຳ​ວຽກ​ງານ​ສາ​ສະ​ໜາ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ ສຳລັບການສະເຫຼີມສະຫຼອງໃນປີນີ້ແມ່ນຈະ​ມີພຣະ ສົງ 500 ກວ່າອົງ ມີບັນດາການນຳ ພໍ່ແມ່ປະຊາຊົນ ລວມເຖິງການສະແດງສິລະປະວັນນະຄະດີລາວ ແລະ ວັນນະຄະດີຈາກປະເທດໄທ.

 ສຳລັບລາຍລະອຽດງານບຸນດັ່ງກ່າວປະກອບມີ ມື້ຂຶ້ນ 13 ຄ່ຳ ເດືອນ 6 ລາວ ກົງກັບວັນພະຫັດທີ 16 ພຶດສະພາ 2019 ເວລາ 8:00 ໂມງ ເປັນຕົ້ນໄປ ຮ່ວມໂມທະນາບຸນ ຮ່ວມບໍລິຈາກທານ ຈະຕຸປັດໄຈ ອາຫານ ນ້ຳດື່ມຕ່າງໆຕາມກຳລັງສັດທາຂອງຕົນທີ່ຜາມພີທີໜ້າຫໍທໍາມະສະພາເດີ່ນພະທາດຫຼວງ ເວລາ 17:00 ໂມງ ສູດປະລິຕະມຸງຄຸນ ຟັງທໍາມະເທດສະໜາ ເວລາ 19:00 ໂມງ ຊົມການສະແດງສິລະປະວັດທະນະທໍາລາວ ແລະ ວັດທະນະທຳອາຊຽນກ່ຽວກັບວັນວິສາຂະບູຊາ ພ້ອມນີ້ ກໍມີງານມະຫະກໍາຄອນເສີດການກຸສົນອີກດ້ວຍ.

ມື້ຂຶ້ນ 14 ຄ່ຳ ເດືອນ 6 ກົງກັບວັນສຸກທີ 17 ພຶດສະພາ 2019 ເວລາ 8:00 ໂມງເປັນຕົ້ນໄປ ຮ່ວມໂມທະນາບຸນ ຮ່ວມບໍລິຈາກທານຈະຕຸປັດໄຈ ອາຫານ ນ້ຳດື່ມ ຕາມກຳລັງສັດທາຂອງຕົນທີ່ຜາມພີທີໜ້າຫໍທໍາມະສະພາເດີ່ນພະທາດຫລວງ ເວລາ 12:30 ໂມງ ນິມົນພຣະສົງ-ສາມະເນນ ເຊີນການນຳພັກ-ລັດ ບັນດາທູດຈາກປະເທດຕ່າງໆ ນັກຮຽນ-ນັກສຶກສາ ແຂກຖືກເຊີນ ສື່ສານມວນຊົນ ແລະ ປະຊາຊົນທັງພາຍໃນ ແລະ ຕ່າງປະເທດເດີນທາງເຂົ້າສູ່ຫໍປະຊຸມແຫ່ງຊາດ ເວລາ 13:30 ໂມງ ຊົມການສະແດງສິລະປະວັດທະນະທໍາກ່ຽວກັບງານວັນວິສາຂະບູຊາ ເວລາ 14:00 ໂມງ ເປີດງານບຸນວັນວິສາຂະບູຊາຢ່າງເປັນທາງການ ເວລາ 14:30 ໂມງ ຟັງປາຖະກະຖາທໍາໃຫຍ່ໃນເລື່ອງ “ວັນວິສາຂະບູຊາກັບຄຸນຄ່າງທາງຈະລິຍະທໍາການດຳລົງຊີວິດ” ໂດຍພຣະອາຈານໃຫຍ່ ດຳຣົງ ພິມມະຈັກ ເວລາ 16:30 ໂມງ ສຳເລັດພິທີເປີດງານບຸນຢ່າງເປັນທາງການທີ່ຫໍປະຊຸມແຫ່ງຊາດ ເວລາ 18:30 ໂມງ ເຕົ້າໂຮມພຣະສົງ-ສາມະເນນ ນັກຮຽນ-ນັກສຶກສາ ປະຊາຊົນທົ່ວໄປທີ່ໜ້າຫໍທໍາມະສະພາເດີ່ນພະທາດຫ​ລວງ ເວລາ 19:00 ໂມງ ປະຕິບັດທໍານຸ່ງຂາວ-ຫົ່ມຂາວ ໄຫວ້ພຣະສູດມົນ ຈະເລີນພາວະນາ.

ມື້ວັນເພັງ 15 ຄໍ່າ ເດືອນ 6 ກົງກັບວັນເສົາທີ 18 ພຶດສະພາ 2019 ເວລາ 06:30 ໂມງ ເຕົ້າໂຮມພຣະສົງ-ສາມະເນນ ການນຳພັກ-ລັດ ບັນດາທູດຈາກປະເທດຕ່າງໆ ນັກຮຽນ-ນັກສຶກສາ ແຂກຖືກເຊີນ ແລະ ປະຊາຊົນທົ່ວໄປທັງພາຍໃນ ແລະ ຕ່າງປະເທດທີ່ໜ້າອະນຸສາວະລີ ພຣະເຈົ້າໄຊເຊດຖາທິຣາດ ເດີ່ນພະທາດຫຼວງ ພ້ອມຊົມການສະແດງສິລະປະວັດທະນະທໍາ ໝໍລຳດັງ ຈາກສອງຝັ່ງຂອງ ເວລາ 07:20 ໂມງ ພິທີໄຫວ້ພຣະສະມາທານສີນ ແລະ ຕັກບາດໃຫຍ່ ທານມະຫາທານແກ່ພຣະສົງ-ສາມະເນນ 500 ອົງ ເວລາ 14:00 ໂມງ ພິທີແຫ່ຕົ້ນມະຫາກາລະພຶກແກ້ວຈາກວັດໜອງບອນເຂົ້າມາສູ່ວັດພະທາດຫຼວງເພື່ອຖວາຍເປັນຕົ້ນມະຫາກາລະພຶກແກ້ວບູຊາໃນວັນວິສາຂະບູຊາ ເວລາ 14:40 ໂມງ ພິທີຖວາຍຕົ້ນມະຫາກາລະພຶກແກ້ວບູຊາ ເວລາ 17:40 ໂມງ ໄຫວ້ພຣະຮັບສີນ ແລະ ຟັງສູດປະລິຕະມຸງຄຸນ ຟັງທໍາມະເທດສະນາຈາກອົງພະປະມຸກສົງກ່ຽວກັບວັນວິສາຂະບູຊາ ເວລາ 19:20 ໂມງ ວຽນທຽນບູຊາພຣະຣັດຕະນະໄຕອ້ອມອົງພະທາດຫຼວງ ແລະ ເວລາ 21:00 3 ໂມງ ສູດສົມໂພດພຣະພຸດທະຮູບ.

 

 

ໂດຍ: ສະຫະລັດ ວອນທິວົງໄຊ

ບົດຄວາມຫຼ້າສຸດ

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...