ຮູບເງົາຟອມຍັກຈາກຄ້າຍດິສນີ ແລະ ມາເວລ ເລື່ອງ “ອະເວັນເຈີ ເອັນເກມສ” ສາມາດສ້າງສະຖິຕິໃໝ່ດ້ວຍລາຍຮັບຢ່າງຖະຫຼົ່ມຖະລາຍໃນຊ່ວງໜຶ່ງອາທິດທີ່ຜ່ານມາ ສະເພາະຢູ່ໃນແຖບອາເມຣິກາເໜືອສາມາດສ້າງລາຍຮັບໄດ້ 350 ລ້ານໂດລາ ແລະລາຍໄດ້ລວມທົ່ວໂລກຂະນະນີ້ຢູ່ທີ່ 1.200 ລ້ານໂດລາ.
ຢ່າງໃດກໍຕາມ ນັກວິຈານຊື່ດັງຫຼາຍຄົນກໍໄດ້ຄາດຄະເນວ່າ ຮູບເງົາເລື່ອງ “ອະເວັນເຈີ ເອັນເກມສ” ຈະສາມາດສ້າງລາຍຮັບໄດ້ຕໍ່ໄປອີກ ເນື່ອງຈາກກະແສນິຍົມຈາກທົ່ວໂລກກວມສູງເຖິງ 96% ແລະຍັງມີອົງປະກອບອີກຫຼາຍໆຢ່າງ ໂດຍສະເພາະການດຳເນີນເລື່ອງທີ່ໜ້າຕິດຕາມ ລວມເຖິງບັນດານັກສະແດງຫຼັກຊຶ່ງຖືເປັນສະເໜດຶງດູດຂອງຮູບເງົາເລື່ອງນີ້.
ຮຽບຮຽງ: ສະຫະລັດ ວອນທິວົງໄຊ
ຮູບຈາກ: AFP